Развітанне з Ганнай Вольскай — у чацвер у Свята-Елісавецінскім манастыры
23 сакавіка 2016
Развітанне з Ганнай Вольскай адбудзецца ў чацвер 24 сакавіка з 11 да 13 гадзіны ў Свята-Елісавецінскім манастыры (вул. Выгоцкага, 6, мікрараён Навінкі г. Мінска).
Родныя просяць прыносіць не штучныя вянкі, а толькі жывыя кветкі.
Адпяванне пройдзе з 9:45 да 10:45 у храме Свяціцеля Мікалая Цудатворца (знаходзіцца на тэрыторыі Свята-Елісавецінскага манастыра), грамадзянская паніхіда з 11:00 па 13:00. Пасля труну павязуць на пахаванне ў Заслаўе.
23 сакавіка ад анкалагічнай хваробы пайшла з жыцця сябра ГА “БАЖ” Ганна Вольская, жонка вядомага беларускага музыкі Лявона Вольскага.
Ганна Вольская нарадзілася 11 чэрвеня 1975 года.
Скончыла Інстытут культуры. У 1995 – 1996 гадах працавала ў рэкламным аддзеле легендарнага “Радыё 101.2”, дзе і пазнаёмілася з будучым мужам. У шлюбе у іх нарадзілася дачка Адэля, якой сёння споўнілася 18 гадоў.
Ганна пэўны час была дырэктарам гурту N.R.M., з’яўлялася нязменным прадзюсарам музычнага праекта “Крамбамбуля” і сольных альбомаў Лявона Вольскага, выступала суаўтаркай сцэнару, прадзюсарам і нават акторкай у некалькіх праектах для тэлеканала “Белсат” (“Снежны завулак”, “Назад у будучыню”). Сябра ГА “БАЖ” з 2009 года.
ГА “Беларуская асацыяцыя журналістаў” горка смуткуе разам са сваякамі і сябрамі Ганны. Трымайцеся мужна.
Ганна Вольская: «Каб у нас тут быць культурным чалавекам, спачатку трэба адчуць сябе беларусам»
@bajmedia
Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»
21.05.2024
Фільм «Пад шэрым небам», натхнёны гісторыяй журналістаў Кацярыны Андрэевай і Ігара Ільяша, пакажуць на кінафестывалі ў Гдыні
11.09.2024
Крымінальная справа супраць Юрыя Дракахруста, Ганны Любаковай і яшчэ 18 чалавек перададзена ў Генпракуратуру
28.03.2024
Процент от налогов — на журналистику. Независимые СМИ предлагают читателям из Польши и Литвы новый способ поддержать их
22.02.2024
