Суд над фрылансерамі з Брэста Пятрухіным і Гарбуновым перанесены на заўтра

Суддзя Семянюк суда Ленінскага раёна горада Брэста перанесла на 14 сакавіка разгляд спраў журналістаў-фрылансераў Сяргея Пятрухіна і Змітра Гарбунова.

Пятрухін і Гарбуноў былі затрыманыя 12 сакавіка ў Брэсце падчас акцый пратэсту супраць дэкрэта № 3 аб «дармаедах».

Сяргея Пятрухіна абвінавачваюць у тым, што ён быццам бы заклікаў людзей да ўдзелу ў несанкцыяваных вулічных акцыях.

Змітру Гарбунову прад’яўлена абвінавачванне ва ўдзеле ў недазволеных уладамі масавых мерапрыемствах.

Пятрухін і Гарбуноў маюць блог на Youtube.