Сына пісьменніка і журналіста Сяргея Антонава затрымалі за абразу Лукашэнкі

«Я думаю, гэта помста мне за мой ад’езд. Сын, вядома ж, быў засмучаны тым, што мяне затрымлівалі па крымінальнай справе,  што дапытвалі ў КДБ. І што ён там, у машыне, казаў, а чаго не казаў — сведкамі гэтага былі толькі міліцыянты. Паводле іх слоў Арцёма і вінавацяць», — адкаментаваў здарэнне Сяргей Антонаў.

Бацька затрыманага  пакінуў Беларусь 11 снежня мінулага года, праз некалькі дзён  пасля ператрусу ў ягоным жыллі і допыту супрацоўнікамі Камітэта дзяржбяспекі.

5 і 6 снежня ператрусы з выняткам тэхнікі прайшлі ў шэрагу былых журналістаў і грамадскіх актывістаў Магілёўшчыны. Акрамя Антонава, сілавікі прыйшлі да Аляксандра Агеева, Аляксея Бацюкова, Барыса Вырвіча, Ігара Шарухі, Пятра Мігурскага. Кожнага з іх дапыталі ў КДБ па месцы жыхарства ў межах крымінальнай справы за садзейнічанне экстрэмізму. 

Па словах Сяргея Антонава, супрацоўнікі Быхаўскага раённага аддзела КДБ  вымагалі ў яго пацверджанні супрацоўніцтва з парталам «Магілёў. Меdia», прызнаным летась, 29 лістапада, «экстрэмісцкім фарміраваннем».  Пасля допыту, які працягваўся некалькі гадзін, Антонава змясцілі на двое сутак у мясцовы ІЧУ.

У Быхаве асоба Антонава старэйшага добра вядомая: некалі ён кіраваў мясцовай суполкай Партыі БНФ, актыўна займаўся грамадскай дзейнасцю. Ведаюць яго і як пісьменніка-фантаста, аўтара некалькіх твораў серыі  «Вселенная Метро 2033», і як уласнага карэспандэнта газеты  «Частный детектив». Некалькі гадоў таму яго сын Арцём меў праблемы з працаўладкаваннем менавіта праз актыўную пазіцыю бацькі. Пазней Антонавы адкрылі ўласнае фотаатэлье, і гэта быў асноўны занятак Арцёма, супраць якога цяпер распачалі крымінальную справу.

Чытайце яшчэ:

Аўтамабільны партал ABW абвясціў аб аднаўленні працы, але з іншымі заснавальнікамі

Ідэолагі Гродна выдаткуюць 120 000 рублёў на публікацыі ў дзяржпрэсе

Украінскія фатографы звярнуліся да World Press Pho­to з патрабаваннем выключыць са складу журы расіянку. Ім адмовілі