Даносы на «Белсат» і радыё «Свабода» напісаў расійскі журналіст
26 снежня 2024
Сацыяльны антраполаг Аляксандра Архіпава і лінгвіст Данііл Скарынкін зрабілі сваё расследаванне і сцвярджаюць, што пад імем серыйнай даносчыцы Ганны Карабковай хаваецца екацярынбургскі журналіст, вікіпедыст Іван Абатураў.
Іван Абатураў задае пытанне на лекцыі ў «Ельцын-цэнтры». Крыніца: Прэзідэнцкі цэнтр Барыса Ельцына / YouTube
Два гады таму сацыяльны антраполаг Аляксандра Архіпава даведалася, што на яе напісала данос нейкая Ганна Карабкова. З таго часу Карабкова зрабіла дзясяткі даносаў на іншых людзей і дала інтэрв’ю шматлікім выданням, у якіх паўставала ў якасці серыйнай даносчыцы.
Архіпава ж увесь гэты час спрабавала даведацца, ці рэальны чалавек тая Карабкова і хто за ёй стаіць, каб зразумець, як уладкаванае сучаснае даносніцтва ў Расеі. Вынікамі расследавання антраполаг падзялілася з Бі-Бі-Сі, піша «Наша Ніва».
Сярод шматлікіх даносаў Карабковай ёсць і на тэлебачанне «Белсат», і на рэдакцыю радыё «Свабода».
Нагадаем: Генпракуратура РФ абвясціла дзейнасць ««Belsat» непажаданаю» на тэрыторыі краіны ў верасні гэтага года. У паведамленні, апублікаваным у 13 верасня, на сайце нагляднага ведамства адзначаюць, што тэлеканал «Belsat» ставіць сваёй мэтаю «дыскрэдытаваць унутраную і вонкавую палітыку расейскіх уладаў», «стварыць негатыўны вобраз РФ» і «крытыкаваць інтэграцыйныя працэсы» ў межах Саюзнай дзяржавы Расеі і Беларусі. У паведамленні гаворыцца, што тэлеканал імкнецца дыскрэдытаваць нутраную і замежную палітыку Расеі.
У расейскаамоўнай «Вікіпедыі» на старонцы пра Карабкову былі апублікаваныя нават сканы адказаў расейскіх ведамстваў, напрыклад, лісты з Генпракуратуры РФ з анонсамі правяранняў выданняў па факце ейных зваротаў, а таксама адрасаваныя ёй справаздачы Генпракуратуры аб прызнанні гэтых выданняў непажаданымі арганізацыямі.
Адказ з Генпракуратуры РФ на данос Карабковай. Фота: yqwzcpsyvssmolad.gjr
Сацыяльны антраполаг Аляксандра Архіпава і лінгвіст Данііл Скарынкін зрабілі сваё расследаванне і сцвярджаюць, што пад імем серыйнай даносчыцы Ганны Карабковай хаваецца екацярынбургскі журналіст, вікіпедыст Іван Абатураў.
Архіпава і Скарынкін заўважылі, што запісы Карабковай падобныя да нататак Абатурава на «Вікінавінах»: у іх выкарыстоўваюцца аднолькавыя маўленчыя абароты, дапускаюцца адны і тыя ж памылкі, таксама IP-адрас, з якога адпраўляліся даносы, у Карабковай і Абатурава супадаў. Гэтыя ды іншыя прыкметы, якія яны прыводзяць у расследаванні, не пакідаюць сумневаў у тым, што гэта адзін і той жа чалавек.
Раней Іван Абатураў трапляў у публічныя скандалы, звязаныя з даносамі. У жніўні 2022 года дырэктар выдавецтва «Нестор-история» Сяргей Эрліх апавёў, што ў іх офіс прыйшла паліцыя па даносе Івана Абатурава, які ўгледзеў у кнізе выдавецтва пра Галакост у Румыніі «ілжывыя звесткі пра дзейнасць СССР у гады Другой сусветнай вайны».
Сам Абатураў таксама не хаваў прыхільнасці да даносаў.
«Журналіст пры Сталіну быў хадзячай пракуратурай. Я таксама такім быць хачу!» – пісаў Абатураў у 2019 годзе у сацыяльных сетках.
На пытанне карэспандэнта Бі-Бі-Сі ў тых жа сацсетках, ці сапраўды ён піша даносы пад імем Карабковай, Абатураў коратка напісаў: «Добры дзень. Вы памыліліся». Пасля гэтага перастаў адказваць на паведамленні.
@bajmedia
«Мы шакаваныя». Амбасады Вялікабрытаніі і Германіі занепакоеныя новай хваляй затрыманняў журналістаў у Беларусі
19.12.2024
Vadimati паведаміў, што справу аб абразе ім Вольгі Бондаравай спынілі
17.12.2024
Еўрапейская федэрацыя журналістаў заклікала спыніць ціск на журналістаў «Белсата»
06.12.2024
Суд у Брэсце прызнаў «экстрэмісцкай» старонку блогера Аляксандра Кабанава ў Instagram
22.11.2024
