«Джон Сільвер» сам адмовіўся ад паслуг Бахцінай, папрасіў сабе дзяржаўнага адваката
17 чэрвеня 2016
26-гадовы Эдуард Пальчыс (аўтар рэсурсу 1863x.com, вядомы пад нікам Джон Сільвер), які знаходзіцца ў Жодзінскім следчым ізалятары, сам папрасіў даць яму дзяржаўнага адваката. «Гэта, вядома, некалькі дзіўна, але, мяркую, Эдзік ведае, што робіць», — сказаў адзін са знаёмых блогера.
Ганна Бахціна паведаміла, што яе паўнамоцтвы як адваката Пальчыса завяршыліся раніцай 16 чэрвеня. Пры гэтым яна адмовілася назваць прычыну, патлумачыўшы толькі: «Бо нікому не хачу нашкодзіць». Бахціна таксама паведаміла, што наведвала Пальчыса 15 і 16 чэрвеня.
Хто будзе новым адвакатам затрыманага блогера, Бахцінай не вядома.
На дадзены момант не вядома таксама, ці выстаўлена Пальчысу афіцыйнае абвінавачванне. Чакалася, што гэта будзе зроблена 16 чэрвеня, але, паводле слоў Ганны Бахцінай, у яе прысутнасці гэтага зроблена не было.
Афіцыйная прадстаўніца Следчага камітэта Беларусі Юлія Ганчарова таксама не змагла паведаміць БелаПАН, ці прад’яўленыя ўжо абвінавачванні блогеру, патлумачыўшы, што інфармацыя пра гэта будзе размешчана на афіцыйным сайце СК.
@bajmedia
Папаўненне «экстрэмісцкага» спіса Мінінфарма: сацсеткі беларускіх службаў «Радыё Свабода» і Польскага радыё, відэаканала «Жизнь-малина» і іншыя рэсурсы
11.10.2024
У Віцебску склалі петыцыю з патрабаваннем пакараць абласную газету за непраўдзівую статыстычную інфармацыю
03.04.2024
15 ліпеня пачнецца суд па справе экс-супрацоўніц tut.by Лойка, Талкачовай і Ткачэнка
01.07.2024
Намесніка дырэктара гомельскай рэкламнай тэлекампаніі знайшлі мёртвым. Сам дырэктар за кратамі паводле «палітычнага» артыкулу
18.04.2024
