Экс-журналіста Tribuna.com Андрэя Маслоўскага асудзілі на 15 сутак
8 верасня 2021
6 верасьня ў кватэры Андрэя Маслоўскага ў Менску сілавікі правялі ператрус. Пасьля гэтага зь ім правялі гутарку супрацоўнікі ГУБАЗіК, а затым затрымалі.
Журналіста асудзілі на 15 сутак у судзе Цэнтральнага раёну Менску.
Андрэй Маслоўскі працаваў у рэдакцыі «Трыбуны» ад 2010 году, а сёлета ў ліпені звольніўся паводле пагадненьня бакоў.
Раней яшчэ адзін журналіст выданьня Дзьмітры Руто адбыў 15 сутак арышту за бел-чырвона-белы шалік у аўтамабілі, а аўтар ютуб-каналу «Честнок» Аляксандар Івулін, які таксама супрацоўнічае з «Трыбунай», цяпер падазраваны ў крымінальнай справе. Спачатку ён адседзеў 30 сутак быццам за «забаронены сьцяг на вакне», а потым яго перавялі ў менскае СІЗА № 1, абвінаваціўшы ў «арганізацыі і падрыхтоўцы беспарадкаў». Праваабаронцы прызналі Івуліна палітвязьнем.
@bajmedia
У Беларусі блакавалі доступ да YouTube і сацсетак
10.01.2025
Беларускія медыйшчыцы атрымалі ўзнагароды за ўнёсак у развіццё медыясектара і прыклад публічнага жаночага лідарства
06.08.2024
Шрайбман расказаў, чаму закрылася яго ютуб-перадача на «Люстэрку»
20.12.2024
Вялікабрытанія і ЗША запатрабавалі ад Беларусі перастаць рэпрэсаваць журналістаў
05.05.2024
