Старонку Наталлі Радзінай у Facebook абвесцілі «экстрэмісцкімі матэрыяламі»

21 сакавіка абнавіўся Рэспубліканскі спіс экстрэмісцкіх матэрыялаў на сайце Міністэрства інфармацыі. У гэты пералік уключаюць інтэрнэт-рэсурсы, прызнаныя «экстрэмісцкімі» паводле рашэнняў беларускіх судоў.

Галоўная рэдактарка сайту «Хартыя-97» Натальля Радзіна. Фота: svaboda.org

Суд Ленінскага раёна Брэста 19 сакавіка 2025 года пастанавіў лічыць «экстрэмісцкай інфармацыйнай прадукцыяй» старонку ў сацыяльнай сетцы Face­book з назвай «Наталья Радина» (ідэнтыфікатар facebook.com/nata.radina).

Наталля Радзіна — рэдактарка сайта «Хартыі ‑97». Раней у Рэспубліканскі спіс экстрэмісцкіх матэрыялаў былі ўнесеныя тры артыкулы, размешчаныя на гэтым рэсурсе: «Наталья Радина: Война для Лукашенко может иметь неожиданные последствия»,

«В Европарламенте говорили об убийствах белорусских политзаключенных» і «Наталья Радина в «Gaze­cie Wybor­czej»: Беларусь будет свободной!». Гэта адбылося паводле рашэння суда Цэнтральнага раёна Мінска ад 14 жніўня 2024 года.