«Голас Амерыкі» можа стаць рэтранслятарам пратрампаўскага СМІ
12 мая 2025
Амерыканская радыёкампанія «Голас Амерыкі» адновіць працу і пачне трансляваць праграмы ультракансерватыўнага тэлеканала One America News Network (OAN), які цалкам падтрымлівае палітыку, якая праводзіцца прэзідэнтам ЗША Дональдам Трампам. Пра гэта ў сацсетцы Х паведаміла Кэры Лэйк, прызначаная ў сакавіку Трампам на пасаду старэйшай дарадцы Агенцтва па глабальных медыя (USAGM).
Фота: EPA, SHAWN THEW
Па словах Кэры Лэйк, OAN прадаставіць «Голасу Амерыкі» сваю стужку навін, кантэнт і тэхнічнае забеспячэнне на бязвыплатнай аснове. «Гэта велізарная выгада для амерыканскіх падаткаплацельшчыкаў, якія з’яўляюцца адзінай крыніцай фінансавання навінавых агенцтваў USAGM, якія вяшчаюць толькі для міжнароднай аўдыторыі», – напісала яна.
«Голас Амерыкі» павінен аднавіць працу — так рашыў амерыканскі суд
«Голас Амерыкі» спыніў вяшчанне ў ноч на 16 сакавіка, пасля таго як амерыканскі прэзідэнт распарадзіўся правесці радыкальныя скарачэнні ў USAGM, які адказвае за фінансаванне амерыканскіх іншамоўных СМІ. Больш за 1300 супрацоўнікаў VOA былі адпраўленыя ў бестэрміновыя водпускі. Раней Белы дом абвінаваціў «Голас Амерыкі» ў распаўсюджванні «радыкальнай прапаганды» і заявіў, што падаткаплацельшчыкі «больш не будуць за гэта плаціць».
@bajmedia
Справа «Радыё Свабода»: Апеляцыйны суд прыпыніў уласнае рашэнне
12.05.2025
Белы дом у ліку прычын закрыцця «Голаса Амерыкі» прывёў неіснуючую рэдакцыйную забарону называць ХАМАС тэрарыстамі
21.03.2025
«Упершыню за 83 гады легендарны «Голас Амерыкі» змушаны змоўкнуць»
17.03.2025
В Евросоюзе запретили РИА «Новости», «Российскую газету» и «Известия»
24.06.2024
