Папаўненне ў «экстрэмісцкім спісe» Мінінфарма: група Reform.news у «Одноклассниках» і пост «Белсата» ў Telegram
4 чэрвеня 2024
Міністэрства інфармацыі Беларусі 4 чэрвеня абнавіла «Рэспубліканскі спіс экстрэмісцкіх матэрыялаў».
Фота: reform.news
Туды ўключылі групу ў сацыяльнай сетцы «Одноклассники» пад назвай «Новости Беларуси от Reform.news» з ідэнтыфікатарам ok.ru/reformnews. Адпаведнае рашэнне 28 траўня прыняў суд Светлагорскага раёна Гомельскай вобласці.
Гэтаксама экстрэмісцкай інфармацыйнай прадукцыяй абвешчаны пост з Telegram-канала «Белсат» ад 3 студзеня 2024 года (ідэнтыфікатар t.me/belsat/111040). Гэта допіс з фотаздымкамі пра тое, як у мінскім Свята-Елісавецінскім манастыры падтрымліваюць вайскоўцаў Расійскай Федэрацыі, якія ваююць ва Украіне. Ён прызнаны «экстрэмісцкім» паводле рашэння суда Партызанскага раёна Мінска ад 27 траўня.
Апрача гэтага, у «Рэспубліканскі спіс экстрэмісцкіх матэрыялаў» уключылі асабістыя старонкі блогера Аляксандра Пятрухіна ў «Одноклассниках» і Facebook, Telegram-канал «Народный репортер» і групу «NEXTA Белоруссия 97%. Поддержка. Помощь» у сацыяльнай сетцы «ВКонтакте».
@bajmedia
«Беларусь разглядаецца выключна праз прызму Расіі і Украіны». Як у Германіі вырашаюць праблемы з асвятленнем беларускіх падзей
04.06.2024
У Брэсце судзяць журналістку Алену Цімашчук: за дыскрэдытацыю, распальванне варожасці і па «экстрэмісцкім» артыкуле
03.06.2024
Як мне не далі з’есці сырок ад свайго імя, або Давайце не забываць пра аўтарскае права нават у эміграцыі
29.05.2024
Пачаўся завочны суд над былымі супрацоўніцамі Tut.by Вольгай Лойка, Аленай Талкачовай і Кацярынай Ткачэнка
15.07.2024
