Хваля салідарнасці ў Еўропе з беларускімі журналістамі
24 жніўня 2020
Прэс-служба ГА "Беларуская асацыяцыя журналістаў"
У апошнія дні партнёры Еўрапейскай федэрацыі журналістаў (EFJ) масава дэманстравалі сваю падтрымку журналістам, якія сталі ахвярамі гвалту ў Беларусі. Сябры EFJ звярнуліся да сваіх урадаў з патрабаваннем санкцый супраць вінаватых у гвалце і фальсіфікацыях выбараў і перагляду супрацоўніцтва паміж Еўрапейскім Саюзам і Беларуссю. Многія журналісцкія арганізацыі прапануюць беларускім калегам матэрыяльна-тэхнічную дапамогу.
Picture credit: Petras Malukas / AFP.
Еўрапейскай федэрацыі журналістаў накіравала ГА «Беларуская асацыяцыя журналістаў» словы падтрымкі саюзаў і асацыяцый журналістаў Даніі, Эстоніі, Фінляндыі, Францыі, Германіі, Грэцыі, Ірландыі, Італіі, Літвы, Мальты, Нідэрландаў, Паўночнай Македоніі, Нарвегіі, Польшчы, Расіі, Славакіі, Швецыі, Вялікабрытаніі і Украіны.
У Даніі міністр замежных спраў Епе Кофад (Jeppe Kofod) неадкладна адрэагаваў на заклік Дацкага саюза журналістаў (DJ), Міжнароднай падтрымкі СМІ (IMS), ЮНЕСКА-Данія і Еўрапейскай федэрацыі журналістаў (EFJ). Прадстаўнікі чатырох арганізацый сустрэліся з міністрам у чацвер 20 жніўня
Ціне Ёхансан (Tine Johansen), Прэзідэнт DJ сказала: «У Беларусі назіраюцца беспрэцэдэнтныя жорсткія напады на журналістаў. Таму я вітаю рэакцыю нашага міністра замежных спраў у падтрымку свабоды СМІ і бяспекі журналістаў».
Прэзідэнт EFJ Могенс Бліхер-Б’ерэгард (Mogens Blicher Bjerregård) падкрэсліў важнасць стратэгічных, скаардынаваных і доўгатэрміновых дзеянняў.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Інтэрпол выкрасліў Андрэя Гнёта са свайго «чырвонага спісу»
19.07.2024
Рэдактару глыбоцкай раёнкі, які піша абразлівыя артыкулы пра апазіцыю і Еўропу, уручылі ўзнагароду
30.05.2024
Какие хэштеги используют популярные белорусские тиктокеры?
27.05.2024
Студэнтаў журфака БДУ выкарысталі для масоўкі ў Цэнтрвыбаркаме
27.01.2025
