У «экстрэмісцкі» спіс Мінінфарма другі раз уключылі сайт і сацсеткі стрымінгавай платформы Belarus Tomorrow

Увечары 3 кастрычніка 2025 года Міністэрства інфармацыі Беларусі зноў папоўніла Рэспубліканскі спіс экстрэмісцкіх матэрыялаў на сваім сайце.

Паводле рашэння суда Цэнтральнага раёна Мінска ад 26 верасня 2025 года  «экстрэмісцкай інфармацыйнай прадукцыяй» прызнаныя:

• інтэрнэт-сайт Belarus Tomor­row (ідэнтыфікатар https://bt.media);
• Insta­gram-акаўнт з назвай Belarus Tomor­row (ідэнтыфікатар instagram.com/belarus_tomorrow);
• Facе­book-акаўнт з назвай Belarus Tomor­row (ідэнтыфікатар facebook.com/profile.php?id=61575194612610);
•  Tik­Tok-акаўнт з назвай Belarus Tomor­row (ідэнтыфікатар tiktok.com/@belarus_tomorrow?lang=ru-RU);
• Х‑акаўнт з назвай Belarus Tomor­row (ідэнтыфікатар x.com/tomorrowbelarus);
• Telegram-канал з назвай Belarus Tomor­row (ідэнтыфікатар t.me/Bel_Tomorrow).

Першыя пяць інтэрнэт-рэсурсаў у гэтым пераліку (апрача Telegram-канала і старонкі ў сацсетцы Х) былі ўжо прызнаныя «экстрэмісцкімі» 8 верасня гэтага года. Адпаведнае рашэнне тады прыняў суд Партызанскага раёна Мінска.

2 верасня 2025 года КДБ Беларусі прызнаў стрымінгавую платформу Belarus Tomor­row «экстрэмісцкім фармаваннем», якое нібыта ажыццяўляе экстрэмісцкую дзейнасць праз названыя вышэй інтэрнэт-рэсурсы. Праект Belarus Tomor­row быў запачаткаваны як першая беларуская незалежная стрымінгавая платформа, якая аб’ядноўвае вядучыя беларускія медыя, блогераў і экспертаў.