«Экстрэмісцкім» прызналі «Даведнік беларускага журналіста», выдадзены 25 гадоў таму

8 красавіка Міністэрства інфармацыі Беларусі папоўніла Рэспубліканскі спіс экстрэмісцкіх матэрыялаў.

Паводле рашэння суда Партызанскага раёна Мінска ад 4 красавіка 2025 года ў гэты спіс дадалі «Даведнік беларускага журналіста» пад рэдакцыяй Пшэмыслава Фэнрыха і Вiнцука Вячоркi. Гэтая кніга была выдадзеная ў 1999 годзе ў Шчэціне (Польшча), выдавец — Cen­trum Szkole­niowe Fun­dacji Roz­wo­ju Demokracji Lokalnej.

Таксама 4 красавіка суд Ленінскага раёна Магілёва прызнаў «экстрэмісцкімі матэрыяламі» Telegram-чат «Рабочы Рух чат». На гэты рэсурс, дзе каментуюцца навіны, звязаныя з рэпрэсіямі супраць беларускіх працаўнікоў, падпісаныя 54 чалавекі.