Кандыдатцы Давідовіч вынеслі папярэджанне за размяшчэнне яе тв-выступу ў сацыяльных сетках
1 лістапада 2019
30 кастрычніка ў Іўі адбылося пасяджэнне акруговай выбарчай камісіі №54. На ім разглядалася пытанне пра размяшчэнне кандыдаткай ад партыі АГП Ірынай Давідовіч у сваіх акаўнтах сацыяльных сетак відэароліка з тэлевыступам для Гарадзенскай тэлевізіі.
Нагадаем, што гэты выступ заблакаваў і не пусціў у эфір кіраўнік тэлерадыёкампаніі «Гродна» Мікалай Мельячэнка. Рэдакцыйная рада вырашыла, што выступ Давідовіч утрымліваў абразы і паклёп у адносінах да службовых асобаў.
Ірына Давідовіч прысутнічала на паседжанні АВК. Яна лічыць, што размяшчаць відэаролік у інтэрнэце мела права і гэта не супярэчыць заканадаўству, а вось дзеянні тэлевізійнага чыноўніка Мельячэнкі, які ў выбарчым працэсе самавольна ўзяў на сябе функцыю цэнзара, засталіся без належнай прававой ацэнкі.
У выніку акруговая камісія №54 (старшыня Анатоль Букліс, сакратар Святлана Мірончык) абвесціла Ірыне Давідовіч папярэджанне “у звязку з парушэннем правядзення перадвыбарчай агітацыі”.
Ірына Давідовіч абскарджвае гэтае рашэнне АВК у Гарадзенскай абласной выбарчай камісіі.
@bajmedia
Расійская платформа «Дзэн» заблакавала канал выдання REFORM.news
06.09.2024
Толочинская районка «подправила» воспоминания 102-летней свидетельницы войны
04.03.2024
Сілавікі зладзілі чарговы ператрус у сваякоў былога журналіста «Белсата» Сяргея Скулаўца
02.12.2024
Распачаўся суд над Ігарам Карнеем — яго судзяць за ўдзел у экстрэмісцкім фарміраванні
19.03.2024
