Адкрыты прыём дакументаў на Праграму Каліноўскага-2025 (дэдлайн — 15 траўня)
Набор на Konstanty Kalinowski Scholarship Program абвешчаны як на праграму першай ступені вышэйшай адукацыі, так і на навуковыя стажыроўкі. Студэнты, якія пройдуць адбор на праграму змогуць навучацца ў розных ВНУ па ўсёй Польшчы. Конкурс праводзіцца штогод.
Konstanty Kalinowski Scholarship Program — стыпендыяльная праграма імя Кастуся Каліноўскага («Праграма Каліноўскага») для грамадзян Беларусі, якія не маюць грамадзянства Рэспублікі Польшча і Карты паляка, якія ў год залічэння або ў папярэднім годзе былі адлічаныя з ВНУ па палітычных матывах, а таксама выпускнікоў Беларускага гуманітарнага ліцэя імя Якуба Коласа.
Стыпендыяльная праграма ўрада Рэспублікі Польшча імя Кастуся Каліноўскага плануе накіраваць усіх асобаў, якія прыязджаюць, на гадавы курс польскай мовы (акрамя тых, хто валодае мовай і можа пацвердзіць гэта адпаведным сертыфікатам), перш чым пачаць навучанне. Стыпендыя падчас курсу складае 1250 злотых.
Пасля заканчэння курсу польскай мовы альбо пацверджання яе ведання кандыдаты павінны будуць паступіць на навучанне ва ўніверсітэце па свайму выбару.
Студэнты будуць атрымліваць штомесячную стыпендыю ў памеры 1250 злотых для навучання на бакалаўрыяце (1–3‑ы год навучання на адзінай пяцігадовай праграме) і 1500 злотых на навучанне на магістратуры (4‑ы і 5‑ты год на адзінай пяцігадовай праграме). Стыпендыя выплачваецца толькі падчас навучання ў Польшчы.
Патрабаванні для кандыдытаў:
- грамадзянства Беларусі;
- узрост – да 35 гадоў;
- вышэйшая адукацыя ў гуманітарных, правазнаўчых галінах;
- веданне польскай мовы;
- здольнасць арыентавацца ў праблематыцы сферы;
- наяўнасць навуковых дасягненняў, актыўнага сацыяльнага жыцця.
Спіс неабходных дакументаў:
- копія дыплома аб вышэйшай адукацыі;
- запоўненая анкета на старонцы studium.uw.edu.pl;
- матывацыйны ліст на польскай мове з указаннем абранага накірунку навучання;
- праект запланавай навуковай працы на польскай мове падчас навучання;
- CV на польскай мове з фотаздымкам;
- спіс публікацый, дасягненняў і працоўных праектаў;
- моўныя сертыфікаты, якія падцвярджаюць узровень валодання мовай (польская і
ангельская).
Усе дакументы ў адсканаваным выглядзе неабходна даслаць на е‑адрас bialorus.studium@uw.edu.pl . І запоўніць анкету.
Пра выніку адбору кандыдатам паведамяць загадзя і запросяць на сумоўе.
Падрабязнасці можна даведацца тут.
Стыпендыяльная праграма ўраду Польскай Рэспублікі імя Кастуся Каліноўскага пад патранатам прэм’ер-міністра Польшчы – праграма дапамогі беларускай моладзі, створаная пры падтрымцы ўраду Польшчы ў сакавіку 2006 году.
