«Дзень адкрытых дзвярэй». Як працуе інфармацыйны аддзел БАЖ? Анлайн – 27 траўня

Сёлета Беларуская асацыяцыя журналістаў адзначыць сваё 30-годдзе. Мы шмат пішам і здымаем пра калег, медыясектар, магчымасці. Але тое, як працуе сам БАЖ, часта застаецца па-за кадрам. Таму ў аўторак, 27 траўня, а 19‑й чакаем вас на «Дзень адкрытых дзвярэй».

Намеснік старшыні БАЖ Барыс Гарэцкі раскажа пра «унутранку» інфармацыйнай працы:

• Як БАЖ сочыць за журналісцкімі падзеямі ў Беларусі, Літве, Украіне і нават у Брусэлі? Адкуль бяром інфармацыю і на што рэагуем?
• Што з этыкай, прынцыпамі праваабарончай дзейнасці?
• Хто і як вырашае: пра што пішам, а пра што — не? І ці здымаем мы матэрыялы з сайта?
• Якія сэрвісы ёсць на сайце БАЖ, дзе што шукаць, каб лепей знайсці і скарыстацца?
• За чый кошт банкет: хто фінансава падтрымлівае БАЖ і як данаты дапамагаюць нам працаваць?

Пра гэта і не толькі 27 траўня а 19:00 па Мінску, Вільні і Кіеве (18:00 Варшава) пагаворым анлайн у Зуме.

Каб не забыць, просім ЗАРЭГІСТРАВАЦЦА

Для вашай бяспекі, можна не ўключаць камеру і мікрафон. Пытанні можна задаваць тэкстам у чаце. Можна загадзя перайменавацца. Усё для максімальнай бяспекі.

Нагадаем, лукашэнкаўцы прызналі БАЖ «экстрэмісцкім фармаваннем». Нягледзячы на гэты, мы працягваем сваю працу.

Да сустрэчы ў аўторак 27 траўня!