БАЖ запрашае калег на Медыякэмп у Літве 19–20 ліпеня
24 чэрвеня 2025
Сябраў БАЖ і прадстаўнікоў беларускай медыясупольнасці запрашаем набыць новыя веды, досвед і знаёмствы ў тэматычным медыякэмпе «За Кадрам», які пройдзе ў сярэдзіне лета на тэрыторыі ўтульнай сядзібы пад Коўна.
Фота: Daniel Johansson для pexels.com
Восенню Беларуская асацыяцыя журналістаў святкуе сваё 30-годдзе. Медыякэмп — гэта імпрэза «Медыяхвалі», прысвечаная юбілею нашай арганізацыі.
Падчас двухдзённага нефармальнага мерапрыемства адбудзецца шэраг актыўнасцяў:
- прафесійная дыскусія «Журналістыка пасля 2020-га»;
- мазгавы штурм «Што рабіць, калі навіны — суцэльны боль»,
- медыяквіз;
- Каманднае спаборніцтва «Дранік-батл»;
- нефармальная камунікацыя, вечаровае вогнішча і выдатная атмасфера.
Калі: 19–20 ліпеня (субота-нядзеля).
Месца: аграсядзіба ля Коўна (Літва). Будзе арганізаваны сумесны даезд з Вільні.
Удзел бясплатны.
Арганізатары бяруць на сябе выдаткі, звязаныя з праездам, харчаваннем і пражываннем на сядзібе. Пражыванне будзе арганізавана ў нумарах па 2 чалавекі, таксама ёсць магчымасць размясціць уласныя намёты.
Да ўдзелу запрашаюцца сябры і сяброўкі БАЖ, прадстаўнікі і прадстаўніцы беларускай медыясупольнасці. Арганізатары кампенсуюць удзельнікам і ўдзельніцам з іншых краінаў праезд наземным транспартам да/з Вільні.
Sold out, Рэгістрацыя закрыта
Рэгістрацыя адкрыта да 14 ліпеня, але можа быць закрыта раней, бо колькасць месцаў абмежаваная.
@bajmedia
«Дапамажы сабе — і вакол цябе ўратуюцца тысячы». Пад Вільняй прайшоў сплаў на байдарках
30.06.2025
«Едзем за сваіх»: у Вільні прайшоў роварны прабег салідарнасці з журналістамі. Шмат фота
16.06.2025
«Это всегда сюрприз». Знаменитые кадры патриарха французской фотографии Марка Рибу
02.07.2025
У Беларусі распачалі крымінальную справу супраць расійскага журналіста за выступ на тэлеканале «Белсат»
13.01.2025
