Bump Up! Праграма для стваральнікаў кантэнту (дэдлайн — 20 ліпеня)

Пражскі цэнтр грамадзянскай супольнасці і WatchDog.md запрашаюць актывістаў, спецыялістаў па камунікацыях і стваральнікаў кантэнту з Беларусі, Украіны, краін Паўднёвага Каўказа і Цэнтральнай Азіі на трохдзённую сустрэчу.

Фота: Vanes­sa Gar­cia / pexels.com

Калі: канец кастрычніка 2025 года.

Дзе: краіна з бязвізавым уездам.

Дэдлайн падачы заявак — 20 ліпеня 2025 года.

Хто можа ўдзельнічаць

• кантэнт-мэйкеры, якія ўжо маюць свае каналы на YouTube, Insta­gram ці Tik­Tok; актыўна ствараюць кантэнт і пашыраюць аўдыторыю.

Тэматыка кантэнту: нацыянальная ідэнтычнасць, культура, мастацтва, мова, гісторыя, сацыяльна-палітычныя падзеі, гендарная роўнасць, адукацыя, права, эканоміка, папулярная навука.

Што будзе

Удзельнікі змогуць супрацоўнічаць у стварэнні кантэнту з іншымі ўдзельнікамі, а таксама наведаць майстар-класы і групавыя дыскусіі па тэмах:

• Манетызацыя кантэнту: як зарабляць на сваіх відэа ці пастах, якія стратэгіі выкарыстоўваць, як рабіць кантэнт, які будзе прыцягваць і каштаваць грошай.
• Пазітыўныя наратывы і медыяадукацыя: як ствараць кантэнт, які паказвае патэнцыял і рашэнні, а не толькі праблемы; як супрацьстаяць прапагандзе і вучыць аўдыторыю крытычна ўспрымаць інфармацыю.
• Візуальная мова: як эфектыўна перадаваць эмоцыі і ідэі праз фота, відэа і мантаж, будаваць пазнавальны брэнд і візуальную ідэнтычнасць.

Арганізатары кампенсуюць выдаткі на праезд і пражыванне.

ПАДРАБЯЗНАСЦІ І РЭГІСТРАЦЫЯ