Future Lands — конкурс кароткаметражных дакументальных фільмаў (дэдлайн — 27 кастрычніка)
9 кастрычніка 2024
Пражскі цэнтр грамадзянскай супольнасці ў супрацоўніцтве з WATCH DOCS IFF і Current Time TV запрашае падаваць на конкурс ідэі для стварэння кароткаметражных дакументальных фільмаў.
У заяўках павінны ўздымацца тэмы, звязаныя з грамадствамі ў кантэксце постімперыялізму.
На конкурс Future Lands могуць падавацца маладыя дакументалісты і відэакіналісты ва ўзросце да 35 гадоў з Арменіі, Азербайджана, Беларусі, Грузіі, Казахстана, Кыргызстана, Малдовы, Украіны, Таджыкістана, Туркменістана і Узбекістана.
Камісія абярэ да 14 рэжысёраў для ўдзелу ў 4‑дзённым семінары, дзе яны будуць распрацоўваць свае сюжэтныя ідэі або праекты. Па выніках семінара 7 праектаў атрымаюць фінансаванне (10 000 еўра). Чакаецца, што рэжысёры будуць працаваць над фільмамі да канца жніўня 2025 года. Выбраныя стужкі пакажуць на тэлеканале Current Time.
Арганізатары прымаюць гісторыі толькі для кароткаметражных дакументальных фільмаў. Меркаваная працягласць — каля 20 хвілін.
Для ўдзелу ў праграме неабходны добры ўзровень англійскай мовы.
Дэдлайн падачы заявак: 27 кастрычніка 2024 года.
Кандыдаты, якія прайдуць папярэдні адбор, будуць запрошаны на анлайн-сумоўе ў пачатку лістапада 2024 года.
@bajmedia
