Вэбінар «GDPR і абарона персанальных дадзеных у медыях» (дэдлайн — 9 снежня)

Беларуская асацыяцыя журналістаў запрашае медыйшчыкаў на вэбінар аб канкрэтных правілах, якія дапамагаюць збалансаваць права на недатыкальнасць прыватнага жыцця з правам на свабоду выказвання меркавання. Разам разбярэмся, як гэта працуе.

Што такое персанальныя дадзеныя і чаму іх трэба абараняць? На якіх прынцыпах будуецца GDPR — закон аб абароне персанальных дадзеных у Еўрапейскім саюзе? Якую адказнасць накладае гэты закон на медыі?

Вэбінар «GDPR і абарона персанальных дадзеных у медыях» варта наведаць, каб даведацца, што рабіць у выпадку ўзнікнення ўцечкі дадзеных і як рэдакцыйнай камандзе пачаць працу па выкананні патрабаванняў GDPR.

Абмяркуем:   

• Што такое Рэестр апрацовак дадзеных (ROPA) і як яго стварыць?
• Што прапісаць у палітыцы прыватнасці?
• Што такое згода на апрацоўку персанальных дадзеных і калі яна неабходная?
• Якія абавязкі ёсць у медыяў і якія правы ёсць у іх аўдыторый?

Наш эксперт:

Мікалай Кванталіяні — трэнер і кансультант па абароне персанальных дадзеных і лічбавай бяспецы.

Вэбінар пройдзе 10 снежня 2024 года з 17:00 да 19:00 па Варшаве, 18:00 — 20:00 па Вільні, 19:00 — 21:00 па Мінску, 20:00 — 22:00 па Тбілісі.

РЭГІСТРАЦЫЯ

Рэгістрацыя дасяжная да 9 снежня 2024 года, 17:00 па Мінску.

Зарэгістраваныя ўдзельнікі атрымаюць запрашэнне і спасылку на вэбінар за дзень і за гадзіну да яго пачатку.

Ёсць пытанні? Пішыце нам: uchimonline5@gmail.com.