Вэбінар «Не проста падпісчыкі, а «свае». Як гадаваць і развіваць супольнасць вакол брэнда ці медыя» (дэдлайн — да 29 кастрычніка)

Людзі ўсё часцей прыходзяць на медыйныя пляцоўкі не толькі па кантэнт, але і па пачуццё «сваіх». Як зразумець іх чаканні і стварыць прастору, у якую хочацца вяртацца? Праваабарончая ініцыятыва «Журналісты за талерантнасць» прапануе разабрацца ў гэтым на вэбінары «Не проста падпісчыкі, а «свае». Як гадаваць і развіваць супольнасць вакол брэнда ці медыя».

На бясплатным вэбінары абмяркуем:

• Навошта медыя патрэбная супольнасць і чым яна адрозніваецца ад аўдыторыі
• Як працуе інструмент Com­mu­ni­ty Can­vas
• Віды супольнасцяў і платформы для іх вядзення
• Кароткі план стварэння кам’юніці, размеркаванне роляў
• Фарматы кантэнту і актыўнасцяў для кам’юніці
• Вымярэнне эфектыўнасці супольнасці
• Досвед украінскіх медыя і арганізацый

Будзе карысна:

• рэдактарам і SMM-спецыялістам, якія прагнуць больш актыўнай аўдыторыі для свайго медыя;
• камунікацыйным камандам арганізацый і ініцыятыў;
• тым, хто развівае старонкі ў сацсетках і хоча ператварыць падпісчыкаў у супольнасць.

Калі: Вэбінар пройдзе 30 кастрычніка 2025 года, 17:00–18:00 па Варшаве, 18:00–19:00 па Вільні.

Пра лектарку:

Олена Дуб – сузаснавальніца ўкраінскага прафесійнага кам’юніці SMM «Talks for NGO & Media», якое аб’ядноўвае больш за 200 спецыялістаў па сацсетках украінскіх медыя і НКА. З 2015 праводзіць трэнінгі, кансультацыі і ментарскія праграмы для грамадскіх арганізацый і медыя Украіны, Беларусі (у экзіле), Малдовы, Латвіі. Як кансультантка супрацоўнічала з Internews Net­work, Thom­son Media, Thom­son Reuters Foun­da­tion, БАЖ, Fon­da­tion Hiron­delle.

РЭГІСТРАЦЫЯ

Дэдайн рэгістрацыі — 29 кастрычніка 2025 года, 16:00 па Варшаве, 17:00 па Вільні.

За дзень, а таксама за гадзіну да вэбінару зарэгістраваныя ўдзельнікі і ўдзельніцы атрымаюць запрашэнне і спасылку на e‑mail, пазначаны ў анкеце.

Ёсць пытанні? Пішы нам: community@j4t.info.