Рэгістрацыя на II Кангрэс па палітзняволеных у Беларусі (дэдлайн — 22 верасня)

Кангрэс па палітзняволеных — гэта двухдзённая сустрэча арганізацыяў, ініцыятываў, палітзняволеных і іх сем’яў, праваабаронцаў, актывістаў і актывістак. Ён пачнецца 26 верасня ў Варшаве. А 28 верасня ён працягнецца ў Познані.

На 27 жніўня 2025 года згодна са звесткамі праваабаронцаў у Беларусі толькі афіцыйна прызнаныя палітзняволенымі 1335 чалавек.

Кангрэс #With­outJust­Cause — два дні, два гарады. Ён ладзіцца з адной мэтай — сабрацца разам, каб аб’яднаць намаганні і скаардынаваць працу па падтрымцы палітзняволеных і іх сем’яў.

26 верасня, Варшава. Першы дзень Кангрэса будзе прысвечаны:
– агульнай сітуацыі з правамі чалавека ў Беларусі;
– новым тэндэнцыям у палітычных рэпрэсіях супраць беларусаў і беларусак;
– працы палітычных структураў па вызваленні і падтрымцы палітзняволеных.

28 верасня, Познань. Другі дзень Кангрэса стане пляцоўкай для сустрэч, агучвання ідэй і праблем, дамаўлення і пошуку рашэнняў:
– кірмаш ініцыятываў — прастора, дзе кожная арганізацыя або ініцыятыва, якая дапамагае палітзняволеным, можа прадставіць сваю працу;
– выступы-прэзентацыі профільных арганізацыяў і ініцыятываў;
– дыскусіі ў фармаце Fish­Bowl.

РЭГІСТРАЦЫЯ НА КАНГРЭС

Праграма Кангрэса будзе апублікаваная бліжэй да мерапрыемства.

Мерапрыемства арганізаванае Офісам дэмакратычных сілаў Беларусі ў Чэшскай Рэспубліцы ў супрацоўніцтве з Офісам Святланы Ціханоўскай, Аб’яднаным Пераходным Кабінетам і партнёрскімі арганізацыямі: Вясна, Dis­si­dent­by, Вольныя, Фонд «Краіна для жыцця», Беларускі дом правоў чалавека імя Барыса Звозскава — пры падтрымцы фонду Rosa Lux­em­burg Stiftung.

Акрэдытацыя для медыя