Конкурс на званне журналіста года ад One Young World
15 красавіка 2025
One Young World прымае заяўкі на ўдзел у конкурсе на званне маладога журналіста года. Удзельнічаць могуць прадстаўнікі медыяў ва ўзросце ад 18 да 35 гадоў.
Кандыдаты павінны прадставіць доказы важнасці сваёй працы ў журналістыцы і таго, што гэтая праца аказала значны ўплыў. Таксама неабходна пацвердзіць сваю прыхільнасць да справы свабоды слова, думкі і выказвання, а таксама зацікаўленасць у выкарыстанні журналістыкі для рэалізацыі сацыяльных, эканамічных і палітычных правоў.
Пераможца атрымае поўнасцю аплачаную паездку на саміт арганізацыі, які пройдзе з 3 па 6 лістапада 2025 года ў Мюнхене, Германія.
Рэгістрацыя працягваецца
Прэмія для маладых журналістаў года была заснаваная ў 2020 годзе з мэтай выяўлення і прасоўвання пяці самых уплывовых журналістаў свету. Сярод пераможцаў 2023 года — беларуская журналістка Ганна Любакова.
@bajmedia
