Конкурс рукапісаў да 100-годдзя Васіля Быкава (дэдлайн — 1 чэрвеня)

Міжнародны саюз беларускіх пісьменнікаў і сайт Bellit.info запрашае паўдзельнічаць у Літаратурным конкурсе да 100-годдзя Васіля Быкава.

Выява: Bellit.info

Да ўдзелу запрашаюцца маладыя аўтары і аўтаркі да 35 гадоў, што працуюць у жанрах:

- прозы,

- эсэістыкі,

- публіцыстыкі.

Мова твораў — беларуская, тэматыка твораў не абмежаваная.

Прыз для пераможцы — выданне кнігі.

Як паўдзельнічаць?

Дашліце рукапіс сваёй кнігі ў фармаце .docx(.doc) на адрас: bellit.info@gmail.com з пазнакай «Конкурс», а таксама далучыце анатацыю будучай кнігі, сваё фота і кароткую аўтабіяграфію. Аб’ём рукапісу не абмяжоўваецца.

Падсумаванне вынікаў і абвяшчэнне пераможцаў адбудзецца 19 чэрвеня, у дзень народзінаў Васіля Быкава.