Міжнародны фестываль журналістыкі ў Італіі (17–21 красавіка)

Медыйшчыкі з усяго свету могуць наведаць Міжнародны фестываль журналістыкі.

Перуджа. Крыніца фота: holidaygid.ru

Калі: з 17 па 21 красавіка 2024 года.

Дзе: Перуджа, Італія.

Міжнародны фестываль журналістыкі (Inter­na­tion­al Jour­nal­ism Fes­ti­val) — гэта найбуйнейшая штогадовая медыяпадзея ў Еўропе. У 2023 годзе падчас фестывалю было арганізавана 188 сесій з 539 спікерамі.

У 2024 годзе ў мерапрыемстве можна ўдзельнічаць бясплатна афлайн ці анлайн. Каб паўдзельнічаць афлайн, дастаткова проста прыехаць, рэгістрацыя не патрэбная. Уваход на ўсе сесіі ажыццяўляецца ў парадку чаргі.

Сесіі будуць трансліравацца ў рэжыме рэальнага часу і будуць даступныя для прагляду на сайце фестывалю.

Мовы мерапрыемства — англійская і італьянская.

Тэмы:

• праца ў зонах канфліктаў;
• штучны інтэлект;
• журналісцкія расследаванні;
• праца медыяў у выгнанні;
• журналістыка дадзеных;
• асвятленне кліматычных праблем;
• выкарыстанне аўдыё і відэа;
• разнастайнасць, роўнасць і інклюзіўнасць;
• і іншае.

Больш інфармацыі пра фестываль — па спасылцы