Міжнародны конкурс трэвэл-фатаграфіі TPOTY (дэдлайн — 13 кастрычніка)

Конкурс Trav­el Pho­tog­ra­phy of the Year (TPOTY) запрашае да ўдзелу прафесійных фатографаў і фатографаў-аматараў.

Пліска на рапсавым полі – фота Максіміліяна Пачкоўскага з Польшчы перамагло ў 2024 годзе ў намінацыі «Малады фатограф-падарожнік ва ўзросце ад 15 да 18 гадоў»

Можна дасылаць свае працы, зробленыя ў падарожжах. 

У гэтым годзе ў конкурсе чатыры намінацыі для партфоліа, чатыры намінацыі для індывідуальных фатаграфій, намінацыі для моладзі (да 18 гадоў) і для фатографаў-пачаткоўцаў, а таксама дзве намінацыі для відэа. Акрамя таго, будзе абраны лепшы фатограф-падарожнік 2025 года.

Сярод катэгорый:

• асобы, людзі, культуры;
• планета Зямля – ландшафт, клімат і вада;
• падарожжа ў манахромным рэжыме;
• дзікая прырода, прырода і падводны свет;
• гарады, пасёлкі, вуліцы;
• фестывалі і ўрачыстасці.

Пераможцы атрымаюць грашовыя прэміі і падарункі ад спонсараў.

Конкурс платны. Кошт удзелу — ад 12 да 55 фунтаў стэрлінгаў. Удзел у моладзевай катэгорыі бясплатны. У некаторых выпадках прапануюцца зніжкі.

Дэдлайн - 13 кастрычніка 2025 года.

Больш інфармацыі і падача заявак — на сайце конкурса

Конкурс турыстычнай фатаграфіі TPOTY быў заснаваны прафесійнымі фатографамі Крысам і Карэн Коу.

Манахромныя Альпы, пліска ў рапсе і ледавік: лепшыя фота падарожнікаў з усяго свету за 2024 год