Народная Амбасада ў Італіі прапануе журналістам калабарацыю для паездкі на фестываль у Перуджу

Штогадовы фестываль журналістыкі ў Перуджы (Італія) збірае медыяспецыялістаў з усяго свету, якія дзеляцца найноўшымі гісторыямі поспеху і здабыткамі ў галіне медыя.

Беларускія калегі неаднаразова бралі ўдзел у фестывалі, а ў наступным годзе Народная Амбасада Беларусі ў Італіі прапануе журналістам цікавую калабарацыю.

Фестываль журналістыкі пройдзе з 15 па 18 красавіка, а значыць ужо цяпер час задумацца пра падрыхтоўку да паездкі.

Калі вы працуеце ў сферы журналістыкі, маеце ідэі для рэалізацыі выстаў і іншых медыйных праектаў, Народная Амбасада Беларусі ў Італіі прапануе цікавую калабарацыю. Для гэтага неабходна звязацца з Амбасадай да 20 лістапада праз пошту italy@belarusabroad.org.

Таксама для падтрымкі паездкі можна звярнуцца па дапамогу праграмы MOST. Важна, што падацца туды неабходна не пазней за тры месяцы да паездкі.