Прэмія для журналісцкіх праектаў Recherchepreis Osteuropa (дэдлайн — 15 студзеня)
13 лістапада 2025
Прымаюцца заяўкі на прэмію Recherchepreis Osteuropa 2026. Конкурс мае на мэце падтрымаць журналісцкія праекты з Усходняй Еўропы.
Прэмія Recherchepreis Osteuropa прысуджаецца ў выглядзе гранта, які дазваляе рэалізаваць працаёмкія сацыяльныя рэпартажы для нямецкамоўных СМІ, якія патрабуюць значных выдаткаў часу і паездак. Памер фінансавання складае да 7000 еўра.
Для каго: прафесійныя журналісты і фотажурналісты, транснацыянальныя каманды, якія публікуюць кантэнт ў нямецкамоўных СМІ.
Фінансаванне даступна для паглыбленага асвятлення сацыяльных праблем з краін Цэнтральнай, Паўднёва-Усходняй і Усходняй Еўропы, якое
- сканцэнтравана на паўсядзённым жыцці і людзях,
- дае ўяўленне аб наступствах эканамічных і сацыяльных пераўтварэнняў,
- раскрывае ўмовы жыцця маргіналізаваных груп.
Грант пакрывае выдаткі на праезд, даследаванні, вытворчасць і ганарары ва ўсіх краінах Усходняга партнёрства, Заходніх Балкан, Паўднёвага Каўказа, Цэнтральнай Азіі, а таксама ў краінах-членах ЕС з Цэнтральнай Еўропы.
@bajmedia
