Прэс-канферэнцыя спецдакладчыка ААН па сітуацыі з правамі чалавека ў Беларусі — 23 студзеня (Вільня + анлайн)

Запрашаем на прэс-канферэнцыю Спецыяльнага дакладчыка ААН па сітуацыі з правамі чалавека ў Беларусі Нільса Муйжніекса, якая адбудзецца 23 студзеня 2025 года у 11.00 у Вільні.

Нільс Муйжніекс, афіцыйнае фота

Сустрэча запланавана напярэдадні электаральных мерапрыемстваў у Беларусі, вынікі якіх плануецца абвесціць 26 студзеня. Мяркуецца, што «абраным» на сёмы тэрмін будзе абвешчаны Аляксандр Лукашэнка, які кіруе краінай больш за 30 гадоў. 

Падчас прэс-канферэнцыі спецыяльны дакладчык Нільс Муйжніекс падзеліцца сваім поглядам на бягучую сітуацыю ў Беларусі і адкажа на пытанні ўдзельнікаў.

У мэтах бяспекі мы просім удзельнікаў і ўдзельніц да 22 студзеня запоўніць форму акрэдытацыі, дзе вы таксама можаце пазначыць пажаданы фармат удзелу (анлайн або афлайн). Працоўнымі мовамі канферэнцыі будуць англійская і беларуская з забеспячэннем сінхроннага перакладу.

Калі вы жадаеце прыняць удзел у прэс-канферэнцыі, просім уважліва і дакладна запоўніць усе палі формы рэгістрацыі. Арганізатары пакідаюць за сабой права звязацца з рэдакцыяй пазначанага пры рэгістрацыі медыя для ўдакладненняў.

Зарэгістраваныя ўдзельнікі атрымаюць інфармацыю пра месца правядзення прэс-канферэнцыі/спасылку на трансляцыю за дзень да мерапрыемства. Рэкамендуем вам на ўсялякі выпадак праверыць і тэчкі «спам» ці «промаакцыі», каб не прапусціць ліст з інфармацыяй.

Прэс-канферэнцыя праводзіцца па ініцыятыве беларускага праваабаронцы Леаніда Судаленкі пры падтрымцы Беларускага дома правоў чалавека і Беларускай асацыяцыі журналістаў.