Рэзідэнцыя для навуковых журналістаў (дэдлайн — 6 траўня)

Ініцыятыва FRONTIERS прымае заяўкі на праграму навуковых рэзідэнцый ад журналістаў.

Фота: Thi­sIsEn­gi­neer­ing / pexels.com

Праграма накіравана на тое, каб даць магчымасць навуковым журналістам пераадолець разрыў паміж складанымі навуковымі адкрыццямі і грамадскім разуменнем. Удзельнікам прапануюць паглыбіцца ў тэмы ў даследчым асяроддзі, ва ўзаемадзеянні з навукоўцамі.

Для каго: аўтары/-кі, хто піша, фатаграфуе, здымае або ілюструе навуковыя тэмы — у любым фармаце (тэкст, аўдыё, фота і інш.).

Калі: 3–5 месяцаў у 2025 і 2026 годзе.

Дзе: даследчыя інстытуты ў краінах ЕC або асацыяваных дзяржавах.

Трэба мець праект, які вы будзеце распрацоўваць падчас рэзідэнцыі і знайсці хост-інстытуцыю (можа быць з любой галіны навукі, у т.л. гуманітарнай і сацыяльнай).

Акрамя працы над праектам, трэба ўдзельнічаць у трэнінгах, сустрэчах, пісаць фідбэк і падзяліцца вынікамі.

Што прапануюць:

• 4000 / 5000 / 6000 EUR у месяц (у залежнасці ад досведу),
• пакрыццё паездак, пражывання, падаткаў і сутачных.

Наступны дэдлай: 6 траўня 2025 года.

БОЛЬШ ІНФАРМАЦЫІ ТУТ