Стадзі-тур «Скразныя каштоўнасці» у Берліне (дэдлайн — 17 жніўня)

Журналіст_ак і актывіст_ак запрашаюць далучыцца да стадзі-туру ў Берліне, каб умацаваць сваю працу па тэме скразных каштоўнасцей і атрымаць натхненне ад нямецкага досведу.

Мерапрыемства ладзяць аб’яднанне беларусаў Нямеччыны Razam e.V. і арганізацыя ІншыЯ.

Каму падыходзіць

Актывіст_кам і журналіст_кам, якія ўжо працуюць з тэмамі скразных каштоўнасцей:

• асвятляюць тэмы правоў чалавека, інклюзіі і недыскрымінацыі ў медыя — пішуць, здымаюць, распавядаюць пра людзей і праблемы, фармуючы змястоўную, уважлівую да каштоўнасцяў інфармацыйную прастору;
• рэалізуюць праекты або ініцыятывы, у якіх цэнтральнымі з’яўляюцца павага, роўнасць і разнастайнасць — працуюць з людзьмі і для людзей, свядома ўлічваючы скразныя каштоўнасці;
• імкнуцца развіваць свае веды і практыку ў гэтым кірунку — хочуць паглыбіць разуменне, абмяняцца досведам і зрабіць свае ініцыятывы больш устойлівымі і этычнымі.

Што будзе

• сустрэчы з прадстаўні_цамі нямецкіх медыяў і НДА;
• абмен лепшымі практыкамі нямецкіх калег па тэме скразных каштоўнасцей у галіне роўнасці, інклюзіі і недыскрымінацыі;
• абмеркаванне магчымасцяў адаптацыі гэтых практык да беларускага кантэксту;
• нэтворкінг з беларускімі журналіст_камі і актывіст_камі.

Дэдлайн падачы заявак — 17 жніўня 2025 года.

Для тых, хто не жыве ў Берліне, пакрываюць выдаткі на дарогу і пражыванне. Увага: візавая падтрымка не прадугледжаная.

ПАДРАБЯЗНАСЦІ І РЭГІСТРАЦЫЯ