Стыпендыяльная праграма ад Dialogbüro Vienna (дэдлайн — 15 траўня)
6 мая 2025
Бюро дыялогу па супрацоўніцтве з грамадзянскай супольнасцю (Dialogbüro Vienna) прымае заяўкі на аднамесячную стыпендыю, якая павінна прайсці ў перыяд з верасня па снежань 2025 года.
Арганізатары вітаюць усіх, хто займаецца антываенным, дэкаланіяльным актывізмам, актывізмам у галіне правоў карэннага насельніцтва і/або гендэрных правоў, працуе над існуючым праектам і можа арганізаваць мерапрыемства, прысвечанае яго працы. Праект можа мець любую форму: рукапіс кнігі, пераклад, тэатральная пастаноўка і г.д.
Праграма прапануе магчымасць правесці адзін месяц, працуючы над праектам па вашаму выбару ў камфортнай абстаноўцы ў Вене, а таксама дазволіць азнаёміцца з аўстрыйскімі ініцыятывамі.
Што прапануецца:
- Стыпендыяльная праграма тэрмінам на адзін месяц;
- Стыпендыя (2500 еўра) для пакрыцця выдаткаў на праезд, пражыванне, медыцынскую страхоўку і любыя непрадбачаныя выдаткі, звязаныя з знаходжаннем у Вене.
- Візавая падтрымка.
- Офіснае памяшканне для стыпендыятаў у цэнтры Вены будзе прадастаўлена арганізацыяй «Дыялог».
Імёны атрымальнікаў стыпендый не будуць апублікаваныя або перададзеныя публічна.
Чаго чакаюць ад кандыдатаў:
- Вы актывіст, даследчык, мастак, дзеяч культуры або журналіст, які, незалежна ад грамадзянства, паходзіць з постсавецкай прасторы;
- Ваша праца сканцэнтравана на пытаннях, звязаных з вашым рэгіёнам паходжання, і закранае такія тэмы, як: антываенны рух, працяглыя войны, дэмакратыя, імперскае мінулае і сучасны каланіяльны характар, аўтарытарныя рэжымы і супраціў, а таксама пытанні, звязаныя з гендэрнай роўнасцю, сучасныя формы расізму, карэнныя народы на постсавецкай прасторы, мігранты і бежанцы, а таксама пытанні гістарычнай памяці праз дэкаланіяльную прызму.
- Вы можаце самастойна арганізаваць сваю працу ў Вене;
- Падчас вашага знаходжання ў Вене вы арганізуеце невялікае мерапрыемства — семінар, дыскусію, чытанне, лекцыю ці любы іншы від прэзентацыі — у памяшканні Dialogbüro (для гэтых мэтаў прадугледжана дадатковае фінансаванне).
- Вы жадаеце і можаце правесці ўсю праграму адзін з наступных месяцаў: верасень, кастрычнік, лістапад і снежань. Dialogbüro вызначае, у якім месяцы пачнецца ваша стыпендыя, але вашы перавагі будуць улічаны.
ПАДАЦЬ ЗАЯЎКУ НА info@dialogbuero-vienna.at
Заяўка на англійскай або нямецкай мовах павінна ўяўляць сабой адзін PDF-дакумент аб’ёмам не больш за 3 старонкі. Яна мусіць уключаць кароткае апісанне праекта, графік працы, якую вы хацелі б выканаць падчас знаходжання ў Вене, рэзюмэ, спасылкі на папярэднія месцы працы і/або акаўнты ў сацыяльных сетках, а таксама кантактную інфармацыю.
@bajmedia
Вызваліць усіх! Дзень свабоды прэсы за кратамі сустракаюць больш за 40 журналістаў у Беларусі
03.05.2025
«Прыйдзе час, і цягнік свабоды адправіцца па маршруце Вільня — Мінск». У Літве адкрыўся журналісцкі форум
02.05.2025
10 советов о том, как начать карьеру в профессиональной журналистике
28.04.2025
«Правы чалавека – гэта мая рэлігія». Вялікае інтэрв’ю з кіраўніком БАЖ Андрэем Бастунцом да 30-годдзя арганізацыі
29.11.2024
