Tribuna.com адкрывае вакансію SMM-рэдактара

Незалежнае спартовае медыя «Трыбуна» аб’яўляе вакансію SMM-рэдактара. Гатовыя разгледзець рэзюмэ тых, хто з’ехаў з краіны, а таксама тых, хто застаецца ў Беларусі.

Фота: pexels.com

Абавязкі:

• напаўненне суполак Tribuna.com у сацсетках жывымі і яркімі пастамі (Face­book, Twit­ter, Vkon­tak­te, Insta­gram, Tik­Tok, YouTube);
• пошук і стварэнне забаўляльнага мэдыякантэнту;
• стварэнне графікі, карцінак, мемов, відэа і іншых відаў кантэнту;
• праца з кам’юніці Tribuna.com.

Патрабаванні:

• захапленне спортам у цэлым і сэрвісамі Tribuna.com у прыватнасці;
• разуменне прынцыпаў працы сацыяльных сетак у парадку прыярытэтнасці: Insta­gram, Tik­Tok, YouTube, Twit­ter, Face­book, Vkon­tak­te.
• жаданне развівацца ў SMM;
• уменне працаваць з простай графікай і відэа;
• пісьменныя руская і беларуская мовы;
• добрае пачуццё гумару;

Умовы:

• магчымасць грунтоўна пашырыць свае веды па SMM і тут жа прымяніць іх на практыцы на вялікую аўдыторыю;
• вялікае поле для эксперыментаў;
• крэатыўны калектыў, новыя выдатныя задачы;
• дыстанцыйная праца;
• сумеснае абмеркаванне выніковага памеру кампенсацыі.

Рэзюмэ дасылайце на by.jobs@tribuna.com з тэмай «Сацыяльны рэдактар».

Блог на Tribuna.com, а таксама тэкст пра тое, чаму варта звярнуць увагу менавіта на вас, могуць стаць дадатковымі плюсамі.

У рэжымнай Беларусі Tribuna.com мае статус так званага «экстрэмісцкага фарміравання». Гэтую акалічнасць варта ўлічваць, калі вы думаеце аб супрацоўніцтве.