Трэнінг для трэнераў па медыяадукацыі ад IFAE (дэдлайн — 30 красавіка)

Міжнародны фонд развіцця адукацыі дарослых IFAE сумесна з партнёрамі ладзіць трэнінг для трэнераў па медыяадукацыі «Bon­Jour! Media Lit­er­a­cy for Elder­ly Peo­ple».

Шукаюць 6 удзельнікаў на трэнінг, прысвечаны навучанню асновам медыяпісьменнасці сталых людзей. Запрашаюць найперш людзей, якія ўжо маюць досвед навучання асновам медыяпісьменнасці, а таксама людзей, якія маюць досвед навучання сталых людзей. Калі няма такога досведу, але ёсць вялікае жаданне паспрабаваць сябе ў гэтай сферы — таксама можна падаць заяўку.

Калі: 14–16 траўня 2025 года.

Дзе: афлайн у Варшаве, Польшча.

Удзельнікі навучыцца планаваць і праводзіць заняткі па медыяпісьменнасці для людзей розных пакаленняў і змогуць скарыстацца гэтымі уменнямі для стварэння ўласных адукацыйных праграм. 

У праграме: практычныя навыкі працы з дарослай аўдыторыяй, распрацоўка эфектыўных заняткаў, развіццё крытычнага мыслення і ўменняў распазнаваць дэзінфармацыю.

Спікеры: Лана і Вітаўт Руднікі — адукатары з амаль 30-гадовым досведам трэнерскай працы.

Арганізатары забяспечваюць удзельнікам трэнінгу пражыванне і харчаванне, а таксама кампенсуюць выдаткі на праезд (толькі па тэрыторыі Польшчы).

Для ўдзелу трэба запоўніць ФОРМУ

Дэдлайн для заявак: 30 красавіка 2025 года.

Больш інфармацыі пра трэнінг ТУТ