У Лейпцыгу адбудзецца сустрэча з Ксеніяй Луцкіной

12 чэрвеня ў Лейпцыгу (Германія) пройдзе сустрэча з былой палітзняволенай журналісткай Ксеніяй Луцкіной.

Ксенія Луцкіна падзеліцца з удзельнікамі сваёй гісторыей з першых вуснаў. Падчас мерапрыемства таксама будуць пісаць лісты палітвязням.

Нагадаем, былую журналістку Белтэлерадыёкампаніі Ксенію Луцкіну асудзілі да 8 гадоў калоніі. У зняволенні ў яе пачаліся моцныя праблемы са здароўем — расла пухліна ў галаўным мозгу. Мінулым летам Ксенія выйшла на волю па памілаванні, а пасля з’ехала з Беларусі.

Калі: 12 чэрвеня 2025 года, 18:00.

Дзе: Hel­mut Space, Kohl­gar­ten­straße 51, Leipzig.

Мерапрыемства пройдзе на англійскай мове. Уваход вольны.

Падрабязнасці тут