Вакансія на Tribuna.com: англамоўны SEO-капірайтар ў бетынгавай тэматыцы

Незалежнае спартовае медыя «Трыбуна» шукае англамоўнага SEO-капірайтара ў бетынгавай тэматыцы. 

Фота: pexels.com

Tribuna.com – адна з самых хуткарослых спартыўных dig­i­tal-кампаній Беларусі. Аўдыторыя праектаў блізкая да 10 мільёнаў у Францыі, Італіі, Германіі, Вялікабрытаніі, ЗША, Іспаніі і іншых краінах. Зараз рэдакцыя пашырае каманду і адкрывае вакансіі.

Абавязкі:

• напісанне тэкстаў на англійскай мове па бетынгавай (і не толькі) тэматыцы па тэхнічным заданні;
• уменне аналізаваць пошукавы попыт і рэагаваць на яго.

Патрабаванні:

• любоў да спорту і паглыбленне ў бетынг, асабліва па топавых відах спорту: футбол, тэніс, баскетбол;
• разуменне прынцыпаў працы пошукавых сістэм і жаданне развівацца;
• абавязкова пісьменныя беларуская і руская мовы;
• досвед працы ў капірайтынгу ад аднаго года;
• веданне іншых моў (французская, італьянская, нямецкая, іспанская, арабская, партугальская) можа стаць плюсам;
• жаданне аптымізаваць працэс перакладу на іншыя мовы з дапамогай AI у рэжыме co-pilot, калі фінальная якасць тэксту кантралюецца чалавекам.

Умовы:

• адпачынак 24 дні і гнуткі падыход да бальнічных;
• індывідуальны графік (толькі для найлепшых);
• сумеснае абмеркаванне выніковага памеру кампенсацыі;
• магчымасць грунтоўна прапампаваць свае веды ў SEO і адразу прымяніць іх на практыцы для вялікай аўдыторыі;

Рэзюмэ дасылайце на ua.jobs@tribuna.com з тэмай «Англамоўны SEO-капірайтар».