Да 30-годдзя БАЖ. Віленскі сплаў салідарнасці на байдарках (28 чэрвеня)

БАЖ запрашае беларускіх журналістаў і літоўскіх калег прыняць удзел у сяброўскім сплаве на байдарках «Медыі на хвалі» па рэчцы Мерычанка па слядах Адама Міцкевіча і Томаша Зана.

Чарговая акцыя «МедыяХвалі» — шэрагу актыўнасцяў, прымеркаваных да 30-годдзя Беларускай асацыяцыяі журналістаў, якое арганізацыя адзначыць гэтай восенню. Акцыя носіць публічны характар.

Сплаў ладзіцца на знак салідарнасці з калегамі, якія зараз знаходзяцца за кратамі.

Рэчка Мерычанка неглыбокая і досыць бяспечная. Да ўдзелу ў сплаве запрашаюцца асобы, якія дасягнулі 18-гадовага ўзросту. Байдаркамі і спецвопраткай забяспечваюць арганізатары. 

Калі: 28 чэрвеня (субота), 10:00

Заканчэнне сплаву: плануецца а 18.00.

Жадаеш прыняць удзел у сплаве — РЭГІСТРУЙСЯ ўжо цяпер!

Рэгістрацыя да 23 чэрвеня да 12:00, але можа быць закрыта раней, бо колькасць месцаў абмежаваная.

Колькасць месцаў абмежаваная.

Засталіся пытанні — пішы нам на office@baj.media.

На ўсялякі выпадак нагадваем, што лукашэнкаўцы прызналі БАЖ «экстрэмісцкім фармаваннем».