КДБ прызнаў кааліцыю «Зялёная сетка» «экстрэмісцкім фармаваннем»

Кааліцыя ініцыятыў «Зялёная сетка» (Green Net­work) уключае праекты «Belarus Bee­hive», «Зялёны партал» і «Экадом».

КДБ прыняў такое рашэнне яшчэ 30 ліпеня. Ведамства лічыць датычным да дзейнасці «Green Net­work» Яраслава Бекіша, Наталлю Герасімаву, Глеба Герасімавіча, Аляксандра Мількамановіча.

У спіс былі ўнесеныя:

• Insta­gram «Зелёный портал»,
• Telegram-канал «Зелёный портал»,
• Telegram-канал «Экодом»,
• Telegram-чат «Экочат»,
• Telegram-бот «Belarus Bee­hive»,
• сайт «Belarus Bee­hive»
• «Belarus Bee­hive 2.0»
• belarusbeehive.eu

«З аднаго боку, «нарэшце», з іншага, далі бог, каго мы падманваем: ніякі гэта не знак якасці, а чарговы ўдар і перанопы ў працы. Цябе кідаюць у адстойнік для маргіналаў, з якімі лепш не мець ніякіх зносінаў, — адзначыла рэдактарка «Зялёнага партала» Яніна Мельнікава. — За што? За тое, што ўсё яшчэ пераймаешся чысцінёй паветра і вады на Бацькаўшчыне. І дбаеш пра бяспечную будучыню беларусаў».

«Зялёная сетка», ці Green Net­work — супольнасць экалагічных арганізаццый і экаактывістаў Беларусі, галоўная мэта якой зрабіць Беларусь зялёнай, дэмакратычнай і квітнеючай краінай.

«Зялёны партал» — гэта медыя пра экалогію, экадружалюбны лад жыцця і правы чалавека на здаровае навакольнае асяроддзе. 

Літаральна днямі «Зялёны партал» далучыўся да Пагаднення аб самарэгуляванні незалежнага медыясектара і Кодэкса этыкі беларускіх журналістаў. Такім чынам цяпер у Медыяасамблею ўваходзяць 24 медыя і медыяарганізацыі.