Трэці год незалежныя беларускія медыя функцыянуюць ва ўмовах ціску і пераследу: станам на сёння 33 журналістаў улады трымаюць у зняволенні, блакуюць сайты СМІ і прызнаюць «экстрэмісцкімі». Пад ударам не толькі агульнанацыянальныя медыяпляцоўкі, але і спецыялізаваныя выданні, у тым ліку і спартовы праект «Трыбуна». Беларуская асацыяцыя журналістаў пагутарыла з яго кіраўніком Максімам Беразінскім пра ўмовы працы ў сённяшні няпросты час, цікавасць чытача да спартыўнай тэматыкі, падабенства між беларускім і ўкраінскім медыярынкамі.