Рада па медыяэтыцы

Дакументы 20 сакавіка падпісалі 15 медыяў і 3 медыяарганізацыі. З гэтага моманту яны стварылі Медыяасамблею, якая цягам 60 дзён абярэ Раду па медыяэтыцы.

Кодэкс этыкі беларускіх журналістаў Пагадненне аб самарэгуляванні незалежнага беларускага медыясектара     Загрузка…    

У дадзеным рэестры сабраная інфармацыя аб медыях і медыяарганізацыях, якія далучыліся да Пагаднення аб самарэгуляванні незалежнага медыясектара і Кодэкса этыкі беларускіх журналістаў. Адпаведна, гэтыя медыя складаюць Медыяасамблею і ўдзельнічаюць у абранні Рады па медыяэтыцы. Падрабязней працэдуры апісаныя ў тут.

Як шырока Hrodna.life выкарыстоўвае штучны інтэлект у журналісцкай працы? Ці сутыкалася рэдакцыя з праблемамі праз выкарыстанне ШІ? І ці варта рэгламентаваць выкарыстанне ШІ ў Кодэксе этыкі беларускіх журналістаў? БАЖ пагутарыў з галоўным рэдактарам выдання Аляксеем Шотам.

Рада па медыяэтыцы не атрымае ніякіх паўнамоцтваў на ўмяшальніцтва ў дзейнасць рэдакцый. Для каго ствараецца сістэма самарэгулявання? Хто стане яе ўдзельнікам і на якіх правах? На пытанні адказвае намеснік старшыні БАЖ, кіраўнік Прававога цэнтра Алег Агееў.

Праект Кодэкса этыкі носіць рэкамендацыйны характар, а дакумент будзе прымацца калегіяльна — на агульным сходзе беларускага медыясектара. Як праходзяць абмеркаванні Кодэкса этыкі ў беларускім медыяасяродку і якія праблемы такія сустрэчы падсвяцілі? БАЖ пагутарыў з сябрам працоўнай групы па распрацоўцы праекта Кодэкса этыкі беларускіх журналістаў Вольгай Сямашка.

Адзін з аўтараў праекта Пагаднення аб самарэгуляванні незалежнага беларускага медыясектара юрыст Яўген Пыльчанка падрабязна распавёў, як павінна працаваць сістэма.

Цяпер адбываецца актыўная праца па абнаўленні Кодэкса журналісцкай этыкі і стварэнню органа самарэгулявання медыясупольнасці. Аднак раз-пораз можна пачуць, а ці да этыкі зараз, калі побач ідзе вайна. Што на гэты конт думаюць рэдактары незалежных СМІ? БАЖ звярнуўся да калег. 

Чаму беларускія незалежныя СМІ ўжываюць у сваіх публікацыях нецэнзурную лексіку і ці варта з гэтым змагацца? БАЖ спытаў калег, што на гэты конт думаюць у іх рэдакцыях.

Ці своечасова медыясупольнасць занялася этычнымі праблемамі і самарэгуляваннем, калі многія медыі апынуліся на мяжы фізічнага выжывання? Да чаго прывядзе прыняцце Кодэкса прафесійнай этыкі беларускіх журналістаў і Пагаднення аб самарэгуляванні незалежнага беларускага медыясектара? БАЖ пагутарыў з галоўнай рэдактаркай праекта Media IQ Надзеяй Белахвосцік, якая ў складзе групы экспертаў і экспертак працавала над дакументамі.

10 верасня ў Вільні адбылася канферэнцыя «Беларускія медыі. Якасць кантэнту і пытанні самарэгулявання», падчас якой прадстаўнікі многіх СМІ выказаліся за стварэнне органа самарэгулявання беларускага медыясектара.