Міліцыя правяла ператрус у берасцейскага блогера Пятрухіна
12 мая 2018
У выніку агляду ў кватэры блогера Сяргея Пятрухіна забралі ноўтбук, планшэт, тэлефон і фотаапарат. Пятрухін лічыць гэта ціскам за асвятленне пратэстаў супраць акумулятарнага завода, паведамляе "Радыё Свабода".
Некалькі міліцыянтаў і АМАПаўцаў перанялі Сяргея Пятрухіна, калі ён выносіў сьмецце з хаты. Блогера азнаёмілі з санкцыяй пракурора на агляд кватэры, пасьля чаго міліцыянты і рушылі да Пятрухіна.
«Гэта адбываецца з прычыны сытуацыі вакол будаўніцтва акумулятарнага заводу «Айпаўэр». Некаму не падабаюцца нашы стрымы пра гэтае прадпрыемства. А фармальнай зачэпкай стала скарга міліцыянта на тое, што я ў адным са стрымаў сказаў, што ён біў берасьцейца ў пастарунку», — расказаў Сяргей Пятрухін.
Блогераў аштрафавалі за збор подпісаў за адстаўку кіраўнікоў Брэсцкага аблвыканкама
Напярэдадні блогер Сяргей Пятрухін разам з калегам Аляксандрам Кабанавым атрымалі па 1 225 рублёў штрафу за збор подпісаў за адстаўку кіраўніцтва Берасьцейскай вобласьці.
Апошнім часам блогеры Пятрухін і Кабанаў у сваіх відэа рэгулярна асьвятляюць пратэсты ў Берасьці з прычыны будаўніцтва акумулятарнага заводу.
@bajmedia
У Беларусі наклалі арышт на маёмасць рэдактара Аршанскага незалежнага сайта
29.11.2023
БТ адказала на скаргу Бондаравай: Гледачы просяць паказваць Білана і Асці, а вам раім «Панараму»
29.01.2024
«Даярка з Хацапетаўкі» абагнала Эйсманта. Што найбольш глядзелі на ТБ у студзені
15.02.2024
Европарламент проголосовал за защиту свободы СМИ и против слежки за журналистами
14.03.2024
