Мінінфарм атрымаў долю ў «Радыё Бі Эй», «Рускім Радыё» і «Космас ТБ Медыя»
5 кастрычніка 2016
Міністэрства інфармацыі стала ўладальнікам долі ў дзвюх радыёстанцыях і адным СМІ Беларусі. Гэта вынікае з пастановы Савета міністраў № 794 ад 30 верасня.
Урад даручыў перадаць у аператыўнае ўпраўленне Міністэрства інфармацыі долю ў статутным фондзе трох прадпрыемстваў, якія знаходзяцца ў гаспадарчым вядзенні рэспубліканскага ўнітарнага прадпрыемства «Беларускі радыётэлевізійны перадаючы цэнтр».
Гэта беларуска-амерыканскае сумеснае прадпрыемства «Бі Эй Інтэрнэшнл» (доля Мінінфарма складзе 34 %, што адпавядае ўнёску ў статутны фонд у памеры 44,2 тыс. долараў); ТАА «Рэдакцыя радыёпраграмы «Рускае радыё» (34 % і 367,2 беларускі рублёў); ТАА «Космас ТБ Медыя» (29 % і 58 беларускіх рублёў).
Справа ў тым, што з 3 кастрычніка 2016 года «Беларускі радыётэлевізійны перадаючы цэнтр» далучыўся да «Белтэлекама». Такім чынам «Белтэлекам» стаў манапалістам у трансляцыі эфірнага радыё і ТБ. Па прыблізных ацэнак кампаніі, паслугамі эфірнага тэлебачання ў Беларусі карыстаецца каля паўмільёна чалавек.
@bajmedia
Мінінфарм чытае пра сябе і дзяржСМІ ў незалежных медыях. Справаздачу выпадкова апублікавалі
25.06.2024
З‑за кратаў выпусцілі Ксенію Луцкіну – былую супрацоўніцу БТ, якая звольнілася адтуль у 2020 годзе на знак пратэсту
20.08.2024
У Беларусі спынілі трансляцыю аднаго з забаўляльных каналаў сямейства Discovery
04.07.2024
Магілёўскі блогер і журналіст Аляксей Бацюкоў, імаверна, затрыманы
18.12.2023
