На мяжы зь Беларусьсю польская паліцыя затрымала расейскіх журналістаў

Яны знаходзіліся ў зоне надзвычайнага становішча, уведзенага ўладамі Польшчы ў сувязі зь міграцыйным крызісам.

У гэты момант паліцыянты працуюць з затрыманымі.

Ад 8 лістапада на беларуска-польскай мяжы трывае новы этап міграцыйнага крызісу: буйная група мігрантаў з Блізкага Ўсходу начуе побач з агароджай з калючага дроту, якая адддзяляе Беларусь ад Польшчы.

За мінулы дзень польскія службы зафіксавалі 118 спробаў нелегальнага пераходу мяжы зь беларускага боку, 39 іншаземцам загадалі пакінуць краіну, паведамляе памежная службы Польшчы.