На журналіста-фрылансера Змітра Лупача склалі чарговы пратакол
13 лютага 2021
У пятніцу, 12 лютага, старэйшы лейтэнант міліцыі Пастаўскага РАУС Алег Шаркоўскі склаў чарговы пратакол на журналіста-фрылансера Змітра Лупача. Адміністрацыйная справа распачатая паводле артыкуле 22.9 КаАП за супрацу з тэлеканалам "Белсат".
Паводле версіі міліцыянтаў, калі яны ехалі праз цэнтр Паставаў, заўважылі журналістаў і запісалі іх на відэарэгістратар. Быццам тыя знаходзіліся каля завода «Беліт» і здымалі чалавека на камеру.
Як сказаў Змітру Лупачу лейтэнант міліцыі Шаркоўскі, суд па гэтай справе павінен адбыцца 18 лютага а 9‑ай раніцы. Разам з гэтым ён уручыў журналісту яшчэ адну позву з патрабаваннем явіцца ў Пастаўскі РАУС у чацвер, 18 лютага.
Зміцер мяркуе, што пастаўскія міліцыянты хочуць завесці на яго чарговую адміністрацыйную справу — трэцюю цягам апошняга тыдня.
@bajmedia
Другі дзень народзінаў у зняволенні сустракае відэаператар Аляксандр Зянкоў
12.11.2024
Чацвёрты раз Кацярына Андрэева сустракае дзень народзінаў за кратамі
02.11.2024
Галоўны рэдактар «Альфа Радыё» саліраваў у праўладным флэшмобе. Хто ён такі?
21.01.2025
TГ-каналы DOXA і «Katolik_life. Неафiцыйнае» — у «экстрэмісцкім» спісе
03.09.2024
