Пастанова Камісіі па этыцы ГА “Беларуская асацыяцыя журналістаў” ад 25 ліпеня 2013 года (Зільбер — Чудзянцоў)
24 ліпеня 2013
Разгледзеўшы на паседжаннні заяву Зільбера Рыгора Эфраімавіча, камісія ў складзе старшыні Анатоля Гуляева, сябраў Анжэлы Белуш, Марыны Загорскай, Валерыя Карбалевіча, Любові Лунёвай адзначае:
На сайце Tut.by ад 5 студзеня 2013 года апублікаваны матэрыял «Пьяный собаковод натравил бойцового пса на женщину с шарпеем» аўтара Уладзіміра Чудзянцова.
Заяўнік лічыць, што ў дадзеным матэрыяле ўтрымліваецца некарэктная і недакладная інфармацыя на адрас дастаткова вялікай катэгорыі людзей, якія трымаюць сабак і якія ў матэрыяле Чудзянцова абагульнена названыя «сабакаводамі». Заяўнік пералічвае пэўную колькасць прыкладаў з іншых матэрыялаў, спасылаецца на нарматыўныя акты і заклікае журналістаў да адказнасці за інфармацыю.
Камісія выказвае ўдзячнасць Р.Э. Зільберу за тое, што ён звяртае ўвагу на такую актуальную праблему сучаснай журналістыкі, як якасць і адказнасць.
Але камісія не бачыць неабходнасці аналізаваць матэрыял «Пьяный собаковод натравил бойцового пса на женщину с шарпеем» аўтара Уладзіміра Чудянцова па сутнасці. На думку камісіі, ні парушэнняў этычных прынцыпаў, ні абразы каго-кольвек, ні іншых парушэнняў этычнага Кодэксу БАЖ і Дэкларацыі прынцыпаў прафесійнай этыкі ў матэрыяле няма.
Старшыня камісіі Анатоль Гуляеў
Сакратар камісіі Марына Загорская
@bajmedia
Домен светлогорского издания «Ранак» теперь использует онлайн‑казино
21.10.2024
Магілёўскае дзяржтэлебачанне выпусціла перадачу «Мордой в пол» — пра «экстрэмісцкія фармаванні» 6TV Bielarus і «Магілёў. Меdia»
18.12.2023
Уладзімір Лапцэвіч: З‑за мяжы таксама можна працаваць на аўдыторыю ў Беларусі
21.12.2023
«Беларусацэнтрычных праектаў катастрафічна мала». Зоя Хруцкая расказала пра «Гістфак»
05.07.2024
