«Любая падтрымка — нават самая невялікая — мае для мяне вялічэзнае значэнне». Былой палітвязынцы патрэбная наша дапамога!
15 кастрычніка 2025
Ася Булыбенка правяла два гады за кратамі ў беларускай вязніцы па справе студэнтаў. Пасля гэтага яна з’ехала ў Літву, дзе зараз знаходзіцца ў псіхіятрычным шпіталі з дыягназамі дэпрэсія, анарэксія і ПТСР. Яна просіць дапамогі, каб пакрыць запазычанасці па страхоўцы і аплаціць лячэнне, без якога не зможа вярнуцца да нармальнага жыцця.
Акцыя салідарнасці з палітзняволенымі журналістамі. Лукішская турма, Вільня, 3 траўня 2024 года. Фота: БАЖ
Былой палітвязынцы 24 гады. У свае 18 яна прыняла ўдзел у беларускіх мірных пратэстах 2020 года.
«За гэта мяне затрымлівалі чатыры разы, адзін з якіх скончыўся зняволеннем на 2 гады. Пасля вызвалення я зноў правяла 30 сутак пад арыштам — у жудасных умовах. Па вызваленні я з’ехала ў Літву, дзе сутыкнулася з цяжкім ПТСР. Я перажыла спробу самагубства, трапіла ў лякарню, пачала лячэнне — псіхіятр, псіхолаг, медыкаменты», — распавяла дзяўчына.
Паўгода таму яна пераехала ў Польшчу і вырашыла, што зможа справіцца сама. Ася спыніла тэрапію, што, на жаль, прывяло да пагаршэння стану. Нядаўна ёй давялося вярнуцца ў Вільнюс, каб працягнуць лячэнне.
«З прычыны запазычанасцяў па страхоўцы я не магу атрымліваць лячэнне бясплатна, а аплаціць яго самой — проста няма чым. Я прашу дапамогі, каб пакрыць пазыкі па страхоўцы і аплаціць лячэнне, без якога я не змагу выбрацца. Мне трэба аднавіцца і стабілізавацца. Любая падтрымка — нават самая невялікая — мае для мяне вялічэзнае значэнне.
Дзякуй кожнаму, хто не пройдзе міма маёй гісторыі!»
Дапамагчы Асі:
Anastasiya Bulybenka
BE95967723047258
альбо
ANASTASIYA BULYBENKA LT057300010188929291
@bajmedia
