• Актуальнае
  • Медыяправа
  • Карыснае
  • Кірункі і кампаніі
  • Агляды і маніторынгі
  • Рэкамендацыі па бяспецы калег

    У Варшаве адкрыўся польскі офіс Euronews. Павел Латушка заклікаў кіраўніцтва канала трымаць у фокусе Беларусь

    «Беларускае грамадства займае ў большасці сваёй антываенную пазіцыю, што важна асвятляць у СМІ на адным з вядучых тэлеканалаў Еўропы», – падкрэсліў намеснік кіраўніцы Кабінета, кіраўнік НАУ Павел Латушка ў размове са старшынём рады дырэктараў Euronews Педрам Варгасам Давідам падчас мерапрыемства, прысвечанага адкрыццю польскага офіса тэлеканала Euronews у Варшаве.

    Павел Латушка заклікаў Euranews трымаць у фокусе Беларусь

    Павел Латушка. Фота: Наша Ніва

    «Спадзяюся, што з адкрыццём офіса ў Польшчы Euronews будзе яшчэ больш звяртаць увагу на дзейнасць дэмакратычных сіл Беларусі, на барацьбу беларускага народа за свабоду, дэмакратыю і еўрапейскі выбар нашай краіны», – падкрэсліў Павел Латушка ў размове з выканаўчым дырэктарам Euronews Клаўсам Струмсам.

    У мерапрыемстве ўдзельнічалі былы прэзідэнт Польшчы Лех Валенса, міністр унутраных спраў і адміністрацыі Польшчы Томаш Семоняк, амбасадары замежных краін, акрэдытаваныя ў Варшаве, а таксама журналісты польскіх і міжнародных СМІ.

    Павел Латушка ў размове са старшынём савета дырэктараў Euronews Педра Варгасам Давідам адзначыў, што для рэгіянальнай бяспекі Беларусь мае ключавое значэнне, а Лукашэнка з’яўляецца інструментам Расіі для стварэння пагроз, у тым ліку ваеннага характару, для краін-чальцоў ЕС. Аднак беларускае грамадства займае ў большасці сваёй антываенную пазіцыю, што важна асвятляць у СМІ краін-чальцоў ЕС, у тым ліку на адным з вядучых тэлеканалаў Еўропы. Таксама дасягнута дамоўленасць аб узмацненні ўзаемадзеяння паміж беларускімі дэмакратычнымі інстытутамі і тэлеканалам Euronews.

    Педро Варгас Давід падкрэсліў, што тэлеканал будзе прапаноўваць беларусам у Беларусі бяспечны доступ да вяшчання Euronews з улікам рашэння рэжыму спыніць трансляцыю ў красавіку 2021 года тэлеканала на Беларусь.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці