З’явілася петыцыя за павялічэнне беларускай мовы на тэлебачанні
10 чэрвеня 2024
Петыцыя на адрас міністэрства інфармацыі размешчана на сайце petitions.by. Яе аўтары прапануюць павялічыць аб’ём тэлевізійнага вяшчання на беларускай мове.
Фота: Geri Tech / pexels.com
«У Рэспубліцы Беларусь, згодна з 17 артыкулам Канстытуцыі, дзве дзяржаўныя мовы, а менавіта беларуская і руская. Аднак варта прызнаць той факт, што тэлевізійныя праграмы, якія выходзяць на беларускім тэлебачанні, часта аддаюць прыярытэт рускай мове», — адзначаюць стваральнікі петыцыі.
Яны звяртаюць увагу, што большасць насельніцтва Беларусі зараз размаўляе па-руску. І спасылаюцца на вывады спецыялістаў Інстытута мовы і літаратуры пры Нацыянальнай Акадэміі Навук Беларусі аб тым, што выратаваць беларускую мову можна з дапамогай яе папулярызацыі.
«Але што ж рабіць для папулярызацыі беларускай мовы? Мы лічым, што для пачатку неабходна павялічыць колькасць праграм на беларускім тэлебачанні. Гэта дазволіць папулярызаваць адну з дзвюх дзяржаўных моў — а менавіта беларускую. Таму мы, ніжэйпадпісаныя грамадзяне Рэспублікі Беларусь, просім павялічыць колькасць трансляцый тэлепраграм на беларускай мове на беларускім тэлебачанні», — пішуць аўтары петыцыі.
Петыцыя была створаная 9 чэрвеня, за першыя суткі яе падпісалі 19 чалавек. Подпісы збіраюць да 24 чэрвеня 2024 года.
@bajmedia
Як Reform.news змагаўся з міграцыйным крізісам і фэйкамі. Вопыт рэдакцыі
07.06.2024
Як у бягучых умовах журналісты засноўваюць уласныя медыя: распавядаем на прыкладзе Not Today
06.06.2024
Франак Вячорка: «Беларускім медыям трэба вучыцца хваліцца сваімі поспехамі»
21.05.2024
Навагодні цуд. Беларуса, якога ледзь не прагналі дадому, прытуляць у Польшчы
03.01.2025
