Праект Аляксандра Івуліна «ЧестнОК» — «экстрэмісцкае фармаванне»

МУС Беларусі прызнаў праект «ЧестнОК» — аднайменны YouTube-канал стварыў блогер Аляксандр Івулін, а вядзе сябра і напарнік блогера журналіст Яраслаў Пісарэнка — «экстрэмісцкім фармаваннем». Адпаведнае рашэнне Міністэрства ўнутраных спраў РБ вынесла 18 красавіка 2025 года.

Яраслаў Пісарэнка ды Аляксандр Івулін. Фота: by.tribuna.com

Журналісты Аляксандр Івулін і Яраслаў Пісарэнка на сайце сілавога ведамства згадваюцца ў «Пераліку арганізацый, фармаванняў, індывідуальных прадпрымальнікаў, датычных да экстрэмісцкай дзейнасці».

У якасці інтэрнэт-рэсурсаў, праз якія, на думку сілавікоў, ажыццяўляецца «экстрэмісцкая дзейнасць», пералічаныя шэраг YouTube- і Telegram-каналаў, афіляваныя з імі старонкі ў сацсетках, а таксама прыватныя старонкі беларускіх журналістаў Яраслава Пісарэнкі і былога палітвязня Аляксандра Івуліна:

• Telegram-канал «ЧестнОК» (ідэнтыфікатар t.me/+_9nCidNPVnpiNTFi),
• Telegram-бот «Редакция By.Tribuna.com» (ідэнтыфікатар @ByTribunaComBot );
• Telegram-суполка «Чатик »Свободу Саше Ивулину!»»;
• YouTube-канал «ЧестнОК» (ідэнтыфіктар youtube.com/@chestnok_by);
• YouTube-канал «ЧестнОК-LIVE» (ідэнтыфікатар youtube.com/@chestnok_live);
• Face­book-акаўнт «ЧестнОК – YouTube-канал о белорусском спорте» (ідэнтыфікатар facebook.com/chestnOKby);
• Tik­Tok-акаўнт «ЧестнОК» (ідэнтыфікатарtiktok.com/@chestnok_by);
• Insta­gram-акаўнт «ЧестнОК | ЧаснОК» (ідэнтыфікатар instragram.com/chestnokby);
• Insta­gram-акаўнт «Ali­ak­san­dr Ivulin» (ідэнтыфікатар instragram.com/a_ivulin);
• Insta­gram-акаўнт «Ярослав Писаренко» (ідэнтыфікатар instragram.com/pisarenko_jr);
• Insta­gram-акаўнт «chestnok_by_fans» (ідэнтыфікатар instragram.com/chestnok_by_fans).

Частка з гэтых інтэрнэт-рэсурсаў днямі была ўнесеная ў «Рэспубліканскі спіс экстрэмісцкіх матэрыялаў» на сайце Міністэрства інфармацыі.

«ЧестнОК» — гэта аўтарскі праект былога палітвязня Аляксандра Івуліна. У стварэнні кантэнта браў удзел і ягоны сябар — журналіст Яраслаў Пісарэнка. Менавіта ён вёў відэаканал, калі Івулін быў у зняволенні. На сёння абодва журналісты жывуць і працуюць у замежжы.