Якія беларускія фільмы пакажуць на кінафэсце «Паўночнае ззянне»
19 кастрычніка 2025
Кінафестываль «Паўночнае ззянне – 2025» пройдзе з 3 па 23 лістапада пад слоганам «Мы проста дзеці» ў гібрыдным фармаце: паказы адбудуцца ў Вільнюсе, Варшаве і Таліне, а таксама анлайн для гледачоў па ўсім свеце.
Сёлета на ўдзел у беларускім конкурсе пададзена 40 заявак, адабраны былі 9 фільмаў. Праграма ахоплівае жанры ад хорару і камедыі да асабістай дакументалістыкі і анімацыі.
Беларускія фільмы ацэніць міжнароднае журы: кінаэкспертка Леэна Пасанен, рэжысёрка і сцэнарыстка Мара Тамковіч і яшчэ адна асоба, якую назавуць пазней.
Усе фільмы анлайн-праграмы будуць даступныя бясплатна з 00:00 да 23:59 па мінскім часе. Вось што можна паглядзець у беларускім конкурсе.
«Суд мёртвых», Андрэй Кашперскі
Хорар з сатырай на беларускую рэчаіснасць. У краіне прымаюць закон, паводле якога можна судзіць нават памерлых, каб канфіскаваць іх маёмасць на карысць дзяржавы. Суддзя пачынае працэсы супраць мёртвых апанентаў рэжыму, але яны вяртаюцца з таго свету ў выглядзе прывідаў і прыходзяць да суддзі.
Калі: 5 лістапада – Вільнюс, к/т Skalvija.
«Свінгеры», Андрэй Кашперскі
Псіхалагічная камедыя пра шасцярых людзей сярэдняга ўзросту, якія спрабуюць арганізаваць свінгер-вечарыну, але ўсё ідзе не па плане.
Калі: 15, 21 лістапада – анлайн з 00:00 да 23:59. 5 лістапада – Вільнюс, к/т Skalvija
«Лебядзіная песня Фёдара Озерава», Юрый Сямашка
Фільм, які трапіў у конкурс аднаго з трох найбуйнейшых кінафорумаў Еўропы – Берлінскага кінафестывалю. Па сюжэце, 25-гадовы музыка шукае свой швэдар, які нібыта дорыць яму магічную здольнасць складаць песні. Драмедзі пра мастацтва, якое дапамагае не страціць сябе ў хаосе.
Калі: 6 лістапада – Варшава, к/т Kinoteka. 20 лістапада – Талін, білеты хутка з’явяцца ў продажы.
«Баця»
Дэбют былога акцёра РТБД. Шчырая гісторыя пра бацьку і сына, якіх злучае старая традыцыя – разам вудзіць рыбу. Фільм пра час, памяць і любоў.
Калі: 11, 19 лістапада – анлайн з 00:00 да 23:59. 5 лістапада – Вільнюс, к/т Skalvija.
«Незабудка», Станіслаў Савасцееў
Гісторыя жанчыны з хваробай Альцгеймера, якая праз відэа і дзённікі спрабуе не страціць сябе. Фільм пра тое, як памяць і любоў трымаюць чалавека, нават калі свет вакол знікае.
Калі: 11, 19, 23 лістапада – анлайн з 00:00 да 23:59. 5 лістапада – Вільнюс, к/т Skalvija.
«Перадачка»
Анімацыйная казка, навеяная рэальнымі гісторыямі палітвязняў. Перадачка ажывае і ідзе праз сцены турмы, каб даставіць вязню любоў і надзею.
Калі: 13, 18, 23 лістапада – анлайн з 00:00 да 23:59. 5 лістапада – Вільнюс, к/т Skalvija.
«Заўтра вы мяне тут не ўбачыце», Аляксандра Чабоцкая
Анімацыя, створаная на аснове асабістых дзённікаў і галасавых паведамленняў рэжысёркі. Гісторыя пра самоту, пошук сябе і маленькія радасці жыцця ў эміграцыі.
Калі: 13, 18 лістапада – анлайн з 00:00 да 23:59. 5 лістапада – Вільнюс, к/т Skalvija.
@bajmedia
