Рэдакцыя “Газеты Слонімскай” падвяла вынікі конкурса дзіцячых малюнкаў
7 чэрвеня 2016
У першую нядзелю чэрвеня ў Слонімскай гарадской дзіцячай бібліятэцы рэдакцыя “Газеты Слонімскай” падвяла вынікі конкурса дзіцячых малюнкаў “Мая сям’я”.
У гэтым конкурсе паўдзельнічалі 45 юных мастакоў ва ўзросце да 12 гадоў, малюнкі якіх друкаваліся ў газеце на дзіцячай старонцы цягам двух месяцаў. Чытачы газеты і наведнікі сайта галасавалі за малюнкі, якія ім найбольш спадабаліся.
Першае месца атрымала 9‑гадовая слонімская мастачка Ілона Каштальян. Яе малюнак “Дзень нараджэння мамы” набраў найбольшую колькасць чытацкіх галасоў і аздобіў адмысловую паштоўку, якая пабачыла свет у Слонімскай друкарні накладам 150 асобнікаў.
Марыяна Кучарава і Паліна Валодзіна занялі адпаведна другое і трэцяе месцы па выніках галасавання. Але ніхто ў той дзень не быў пакрыўджаны арганізатарамі конкурсу — усіх чакаў святочны торт і памятныя падарункі ад газеты.
Конкурсныя малюнкі юных мастакоў тым часам склалі экспазіцыю выставы ў дзіцячай бібліятэцы Слоніма.
@bajmedia
«Героі сёння не ў кіно, а ў турмах Еўропы». Сімвалічная хросная з Германіі напісала Паўлу Мажэйку
21.10.2025
Падпіска на дзяржаўныя СМІ даражэе ў 3,5–10 разоў хутчэй за нехарчовыя тавары
16.06.2025
«Давайте продолжим эту борьбу». Светлана и Сергей Тихановские записали видеообращение к главе МИД Польши
24.06.2025
Ігар Лосік: Я мусіў выйсці ў чэрвені разам з Бяляцкім
10.10.2025
